చూసేవారికి పాలిష్ చేసిన బూట్లు

చూసేవారికి పాలిష్ చేసిన బూట్లు అందంగానే కనిపిస్తాయి
లోపలెంత కరుస్తున్నాయో వేసుకున్నవారికే తెలుస్తుంది
తలభాధ వినేవారికంత భాదేమి కాదు కానీ
పడేవారికే తెలుస్తుంది అదెంత యాతనో
వినేవారికెప్పుడూ సమస్యలు చిన్నవేకాని
అనుభవించే వారికే తలమునకలౌతాయి
చెప్పేవారికి వినేవారు ఎప్పుడు లోకువే
వినేవారుంటే చెప్పటం అందరికీ సులభమే
తనవరకూ వస్తేనే చెప్పినవి మరిచిపోతాం
చెప్పటం నిన్న నావంతు అయితే
రేపు వినటం నా వంతు అవుతుంది
బాధల్లో మనిషి నీతి మరిచిపోతాడు
బాధల్లేనప్పుడా మనిషి నీతి జోలికే పోడు
నిజం నిప్పులాంటిదంటారు నిజమేనేమో
అందుకే వీలైనంతవరకు దానికి దూరంగా ఉంటారు

............................... య.వెంకటరమణ