నాన్నా!

"దేవుడెలా ఉంటాడో చూడాలనుందని ఆ దేవుడినే అడిగే వాడిని
అయన చిరునవ్వుతో '' వెతుకు నాయనా దొరుకుతారు '' అని
అన్నపుడల్లా అనుకునే వాడిని 'నా తండ్రికేమి తెలియదని'
దగ్గరున్న నన్ను గుర్తించటం లేదని నొచ్సుకున్నారో, ఏమో
నన్నొదిలి వెళ్లిపోయారాయన... అన్నీ ఉన్నాయనుకున్నా
అన్నీ మా నాన్నేనని ఆ తరువాతే తెలుసుకున్నా
నన్ను తిడుతుంటే  కటోరుడనుకున్నా
నా కాలు తెగినప్పుడు కంగారుపడుతుంటే  పిరికివాడనుకున్నా
టెంకాయలో మీగడ మెత్తదనం పగిలాకే చూసుకున్నా
నాన్నా! నేనేడిస్తే మీరు ఓదార్చేవారు కదా
చూడండి .. ఎంతేడుస్తున్నానో..  మరి ఓదార్చరా  ".....మీ  బుజ్జిబాబు గాడు