సామా ధామా దండ భేదము

Telugu Rachana

2075

20/09/2022

===================

సామా ధామా దండ భేదము 

సంధించారు నాల్గో అస్త్రం

మనలో మనకే కయ్యంబెట్టి

వేడుక చూసే స్వార్థ జీవులు 

తేనెలు రాసిన కత్తులతో

తడిసిన గుడ్డలు పట్టుకుని

గొంతులు కోసే గుంటనక్కలు

గుంపులు గూడి వచ్చేసమయం

డాలూ ఖడ్గం పట్టుకుని

దారులకడ్డం నిలబడదాం 

తొలుకులు పలుగులు పట్టుకుని

కలుపు మొక్కలు పెరికేద్దాం

 

పెద్దలు కాదు గ్రద్దలు వీళ్ళు

దొంగల ముఠా నాయకులీళ్ళు

తప్పుకు పోయే సమయం కాదు

తప్పించాలి సిద్దంకండి

బలిమి కలిమి పెంచుకుని

మనమై మనకు నిలవాలి 

మువ్వన్నె చిహ్నం మనకుంది

మతాల కులాలు ఎందుకులే 

జన్నత్ స్వర్గం ఒకటే అర్థం 

జహన్నుమ్  నరకం ఎందుకు మనకు

పగ్గం మగ్గం ఏదైనా

విడిపోతే తెగిపోతుంది

విడి విడి గెందుకు కలిసే ఉందాం

ప్రగతి బాటలో ముందు పోదాం

===================

      య. వెంకటరమణ/..

పంపకంలో ఎదో పెద్ద తప్పే జరిగింది

పంపకంలో ఎదో పెద్ద తప్పే జరిగింది

వేగం బాగా పెరిగిపోతుంది

Telugu Rachana

2074

20/09/2022

=======================

వేగం బాగా పెరిగిపోతుంది

ప్రాణం కన్నా సమయం ప్రధమవుతుంది

సమయంతో వేగం పోటీ పడుతూనే ఉంది

రేపు కోసం నేడు పరుగెడుతూనే ఉంది

అయినా అది కనబడకుండానే పోతూనే ఉంది

పరుగుల్లో ప్రాణం చితికిపోతుంది

గతుకుల్లో మనసు చచ్చిపోతుంది

సమయం తన పనిలో తానుంటుంది

వేగం సమయంతో పోటీ పడుతూనేఉంది 

రేపెప్పుడూ స్వప్నం గానే అగుపిస్తుంది

స్వప్నమెప్పుడూ అందంగానే ఉంటుంది

భయపడితే స్వప్నం చెదిరిపోతుంది

చెదిరిన స్వప్నంతో రేపు సమసిపోతుంది 

నిజం ఎప్పుడూ కనబడదు

అందుకేనేమో రేపు కూడా అగుపడదు

నిలబడేది నిజమొక్కటే తెలుసు

నిజమంటే ఈ నాడొక్కటే అది కూడా తెలుసు

అయినా, వేగం బాగా పెరిగిపోతుంది

సమయంతో అది పోటీ పడుతూనే ఉంది

రేపు కోసం పరుగెడుతూ నేటిని కోల్పోతుంది

నిన్న ఎప్పుడూ స్మృతిగానే మిగిలిపోతుంది

వేగం బాగా పెరిగిపోతుంది

ముత్యాల రాశులుపోయి కంకరొచ్చింది

బంగారం ఘనులు కాస్తా బొగ్గులయ్యింది

నిన్న' నిన్ను చూసి నవ్విపోతోంది

నిన్నా రేపుకు మధ్యలో నేడు నలిగిపోతోంది

అయినా వేగం పెరుగిపోతోంది

==============================

      య. వెంకటరమణ/..

పిడక దాపున మరగ కాగి ఎరుపు దేరిన పాల మీగడ

Telugu rachana

2072

18/09/2022

================

పిడక దాపున మరగ కాగి

ఎరుపు దేరిన పాల మీగడ

గడ్డ పెరుగు సద్దియన్నం 

ఆవకాయ ముక్క తాయం

ఉడకబెట్టిన వడ్లు దంచి

వండి పెట్టిన ఉప్పుడన్నం

పప్పు ముద్ద పైన వెన్న

ఇంగువేసిన ఇంత చారు

నాయనమ్మ బొబ్బరట్లు

పాల కోవా తేనె పట్లు

ఉప్పుడన్నం గంజిలోన 

పుల్ల గింత నిమ్మరసము

నానబెట్టిన తెల్ల అటుకులు

నాన్న తెచ్చిన ముంజు కాయలు

కోరు దేసిన పాతబెల్లం

తవ్వి తీసిన తేగ ముక్కలు 

కాటుకద్దిన బెదురుకళ్ళు

పసుపు రుద్దిన స్వర్ణవదనం

పరికిణీలో పడచులందం

పలుకరింపుల సంప్రదాయం

పూజ గదిలో అవ్వ పూజలు

అమ్మ చేతి మట్టి గాజులు

తులసి కోట అలుకు ముగ్గులు

మువ్వ పట్టీ చెల్లి ఆటలు

చంటి గాడి లాగు చొక్కా

నిమ్మ తొనలకు ఐదు పైసలు

పుల్ల అయిసు పదే పైసలు

పావలా మరి షావుకారు

మట్టి పలక తెల్ల కణిక

పేక బెత్తెం గోడ కుర్చీ

సగం బెల్లు పెంకులాటలు

కాకి ఎంగిలి చాకిలెట్లు

పండగొస్తే పబ్బమొస్తే

పసుబ్బొట్టు కొత్త బట్టలు

గమిడి పూజలు తోరణాలు

పిండి వంటల గుబాళింపులు

కొప్పు చుట్టూ బట్ట చుట్టి

మోజేతి వరకు పసుపులద్ది 

ఆకు పరిచి అన్నమెట్టే  

అమ్మ చేతి మధురిమాలు

గురుతుకొస్తున్నాయ్

గురుతుకొస్తున్నాయ్

గురుతులే ఇక మిగిలిపోతున్నాయ్

గురుతులూ ఇక చెరిగిపోనున్నాయ్

================

     య. వెంకటరమణ/..

కొప్పు లిన్నిబెట్టు జుట్టున్న జాన

2068

తెలుగు రచన

39/08/2022

==========================

కొప్పు లిన్నిబెట్టు జుట్టున్న జాన

గొప్ప లన్నిజెప్పు విను వాళ్ళు తనకున్న

చిత్తముంటే డేరు చిత్త గింపుల జోరు

ఇప్పుడంతే నిచట చెప్పెటోళ్ళే కొదవ

ఒక్కడున్నూలేక ముప్పు కాదాజెప్పు

చెప్ప నొక్కడు లేడు చేత కాని వాళ్ళు

చిప్ప చేతికిచ్చి గొప్ప జెప్పేటోళ్లు

చచ్చెటోళ్ళను కూడ

గొప్పగా చూపెటోళ్ళు

మెప్పు కోసమీళ్ళు ఒక్కటేమిటోయి

నిప్పు పెట్టికూడ మెప్పు పొందేటోళ్లు 

చెంతనున్నా గానీ చిట్టాల పొత్తంబు 

చిత్రగుప్తుల వారు చిత్తమైతేనిప్పు

తెల్లముఖమువేయు తెరుచుకున్నా నోళ్ళు

తెరదించు మంత్రాలు తెగ నేర్చెనీళ్ళు

చావు కబురు కూడా చల్లగా చెప్పేటి

సారు గారి మణులు చాలానే ఉన్నారు

చాలు చాలింక తగ్గించు మంట

గ్యాసు మంటలు పోయి పెట్రోలుకంటే

============================

            య.వెంకటరమణ/..

నీకేమి లేవయ్య కైలాశ వాసా

1906

తెలుగు రచన .

22/02/2020 

==================== 

నీకేమి లేవయ్య కైలాశ వాసా 

పైన నీవైతే కింద మేమయ్యా 

 నీరు నిచ్చే కొండ నాపైన పెట్టావు 

నీరు దప్పిక మమ్ము నీ నేలనెట్టావు ఇబ్బందులన్నీ ఈడ మాకెట్టి 

నిబ్బరంగా నీవు నాడ నుంటావు 

నీకేమి లేవయ్య కైలాశ వాసా 

 నాగు బాములు జుట్టి నాట్యమాడే నీవు

గంగమ్మనే జుట్టు శిఖలోన బెట్టావు 

నెలవంక సింగారమేమి భాగ్యంబు నీది 

నా బాధలేరీతి నీకు జెప్పాలి కైలాసవాసా

 శివశంకరా శంఖధారీ శివుడాజ్ఞ లేనిదే చీమైన కుట్టదు క్కు'బుద్ధి జనులీడేమో కోకొల్లలయ్యారు 

ఆ బుద్దులెవరిచ్చె ఆపలేవా నీవు ఆకాశవాసా

 ఇంతింత ఘోరాలు ఏల జాప్యం 

 నేలమొత్తం ఈడ చీడబట్టేనాయే

 నికృష్టులయితే నిండిపోయేనాయె 

 హిమగిరుల నడుమ ఏముంది స్వామి

 ఏతించుమోసారి బాట తప్పెను తీరు 

నీకెమి లేవయ్య కైలాసవాసా 

 నిన్ను చుట్టివచ్చి లోకమన్నా కొడుకు 

నీవన్న మాటకి లోకమెగురన్ 

బోయేనొక్క కొడుకు ఎంత భాగ్యం నీది 

ఏమి శివుడా ఈడేంది స్వామి ఇట్టాంటివాళ్ళు

మోసి కన్నా గానీ రోత పొమ్మందురాయే

  భ్రష్టమంతా ఇంత బ్రహ్మాండమే నిండె

 మోసమైతే చూడు లోకమంతానుండె వాయివరసలు బోయే తారతమ్యంబోయే

 తరుకెళుతున్నారు తల్లoటి బిడ్డల్ని

 తస్సదియ్యా వీళ్ళు తగలేయజూస్తుండ్రు సంశానులేముంది చచ్చినోళ్ళుదప్ప కాటిగాపుడాడ తగలేయనే జాలు బ్రతుకజస్తున్నారు చంపి బ్రతికేటోళ్ళుు

 చాలు చాలింకా శంఖు బూరించు 

ఈ కళ్ళు తెరిపించు నీ కన్ను తెరిచుంచు

నీకేమి లేవయ్య కైలాశ వాసా

 పైన నీవైతే కింద మేమయ్యా ======================

 యలమంచిలి వెంకటరమణ...✍🏻

స్వతంత్రబానిస పౌరుల్లారా

1932

తెలుగు రచన

30/07/2020

===================

స్వతంత్రబానిస  పౌరుల్లారా

చావుకు బుట్టిన చీమల్లారా

అలసీ సొలసిన జీవుల్లారా

ఆకలి మరిగిన ఆర్తుల్లారా

ఆఖరి వరస అధ్యాయంతో

ఆరవ వేదం సిద్దం చేద్దాం

అది మనకోసం మనమే వ్రాద్దాం

అంతరాలకు హద్దులు గీద్దాం

నడుమే వంగని నాయకులారా

వస్త్రం నలగని సేవకులారా

స్వర్గం కోరే త్రిశంకులారా

అరిగో అరిగో వశిష్ట పుత్రులు

అరిగో అరిగో వశిష్ట పుత్రులు

శాపం తప్పదు ఛండాలులకు

ఎందరు ఉన్నా విశ్వామిత్రులు

వజ్రాల మాల ఇనుమైపోవు

విశ్వామిత్రులు ఎందరు ఉన్నా 

తల్లకిందులే త్రిశంకు స్వర్గం

తలపులు మారే సమయం ఇదిగో

మూసిన తలుపులు తీసేయ్ తీసేయ్

========================

         యలమంచిలి వెంకటరమణ..

బురద నీటి యా కమలం కాను

                                                          

2059

తెలుగు రచన

22/07/2022

=======================

బురద నీటి యా కమలం కాను

చెత్త వీధిలో చీపిరి కాను

వెనుక చూడని విక్కము గాను

తిరుగుడు చక్రం సైకిలు గానీ 

పంటలు పెరికే కొడవలి గాని

కానే కాను  వృక్కము నేను

మృగముల నడుమ ఒదుగి బ్రతికెడి 

చీనము, చమూరు, కానే కాను,

నెత్తురు మరిగిన సింహం గాను

వీరుడు విడిచిన విల్లున్నేను 

కాల్చే కొద్దీ పదునుదేరిన గొడ్డలి నేను 

వెలిగే కాగడ యువతన్నేను

విరుచుకు పడేటి పిడుగున్నేను

విల్లు విడిచినా  విశిఖమును నేను

నివురు గప్పినా నిప్పున్నేను

కొలిమి నిప్పులో కొనలుదేరిన

ఖడ్గం నేను  కవచం నేను 

భవితకు పునాది బ్రహ్మ అస్త్రము

భావితరానకి  బారోస నేను 

భారతమాతకు ముద్దు బిడ్డనా

యువతన్నేను యువతన్నేను

=======================

                   య. వెంకటరమణ/..

పొద్దుగూకింది బాగా మబ్బు క్రమ్మింది

Telugu rachana

2059

తెలుగు రచన

24/07/2022

===============================

పొద్దుగూకింది బాగా మబ్బు క్రమ్మింది

వెలుగు కాస్తా సమసిపోతోంది

వేసవల్లే వేడి సెగలు  రగులుతుంటే

పిడుగుపాటుకు అక్కడక్కడ తూట్లు పడుతుంటే

అనగద్రొక్కే ఉక్కుపాదం అడుగులేస్తోంది

అసురధ్వనిలో ఆర్తనాదం అనిగిపోతుంది

అన్నెమెరుగని చిన్న ప్రాణులు చితికిపోతుంటే 

తెగల సెగల మంటలోపడి

మానవత్వం మాడిపోతుంది

మనిషినే మరి మనిషి చూసి వణికిపోతుంటే 

కడుపు కోసం కోరలెత్తే క్రూర మృగములు 

కాస్త కూడా కరుగ రాని కొండరాళ్ళు

జాలి పడుతున్నాయ్ సోలిపోతున్నాయ్

 తెల్ల మల్లెలు ఎర్రబడుతున్నాయ్ రగతమవుతున్నాయ్

మతాలేమో తలో దారికి పరుగులెడుతింటే

కులాలేవో కొత్త జెండా లెత్తబోతుంటే

భవితకేచరిత మనము స్మరణకీయాలి

ఎవరికెవరు  ఎవరుగాక

చివరికెవరై మనము బ్రతకాలి

=============================

                               య.

అందని ద్రాక్షలు పులుపనుకుంటే

2061

తెలుగు రచన

27/07/2022

======================

అందని ద్రాక్షలు పులుపనుకుంటే 

అంతకు మించిన సుఖమేముంది

అందిన వన్నీ చేదనుకుంటే 

పొందినవన్నీ వ్యర్థములెండి

కలలే  మనిషికి సాకారం 

ఎదగడానికి ఆధారం

కలలేకంటూ కూర్చొని ఉంటే

వాస్తవమంతా అతలాకుతలం 

ఎదగాలంటే ఎత్తులు చూడు

ఎదిగిన కొద్దీ దిగువను చూడు

బ్రతకాలంటే తిరిగి చూడకు

బ్రతికుంటావు వెనుక మరువకు

పయనములో పరుగులాపకు

పడిపోయెలా పరుగుదీయకు

కళ్ళకు గంతలు గుఱ్ఱం పాపం

అగమ్య గోచరమదేమి పయనం

లోకం చూడని ఆకలి కోసం

లోకులనెందుకు చూడాలంటూ

కళ్ళు మూసుకుని పాలు త్రాగెడి

పిల్లులు చెప్పే నీతిని చూడు

రాతలురాసే దేవుడు కూడా

రంగులద్ధడు అది నీ పూచీ

మండడమనేది మంట లక్షణం

మండిపోయినా, మంటకాగినా

అది మన సమ్మతము

పూజకు మోలని పువ్వులు కూడా

పుటమున గాలి ప్రాణంబోయును

ప్రాణం పోయిన మనుజుడు మాత్రం

తననే తాను విడిచిపోవును

చోద్యం కాదా మానవ నైజం

ఉన్న దానిని ఉపేక్షించడం

లేనిదానికై  ప్రాకులాడడం

చివరికి సర్వం విడిచిపోవడం

=====================

                  య.వెంకటరమణ/..

Comment here

నిశీధిలో జన సందోహం

2066

తెలుగు రచన

----/----/-------

====================

నిశీధిలో జన సందోహం

ముసుగుల్లో మరో సమాజం

లిప్తాభివ్యక్త అలసత్వాలూ

రక్తాలిప్త తేనె కత్తులు

మధుర భాష్యపు మర్మ భాషలు

సాధు మకుటపు క్రూరమృగములు

దిక్కుతోచని నిశీధి వీధుల్లో

ఎలా మెలగా లెలా మెలగాలి

సోక గీతపు కోకిలమ్మ,

రక్త లిప్తపు శాంతి సంజ్ఞ

మంచుగప్పిన ముళ్ళపొదలు 

మండుటెండన పండువెన్నెల్లు

మతులుబోయిన మందలవిగో 

మైకమబ్బిన మాంద్యమదిగో 

మేక వన్నె పులులు అవిగో 

మరక నోట్లకు మరిగిరరిగో

తరములీగతి తరలిబోతే

తనువు గాస్తా సల్యమైతే

సన్నగిల్లును మానవత్వం

తరలిరండి తరలిరండి

మరో వర్గం మేలు కొలిపి 

యువత వీపుకు విల్లు గట్టే 

సమత సాధన శంఖ భేరికి 

సమయమొచ్చే తలలిరండి

==================

         య.వెంకటరమణ/..

Contact no.

Kothagudem circle Police stations

Bhadrachalam

+919441480733

+918125030288

yalamanchili Venkataramana Inspector of police CAPF P.Gannavaram Contact +919441480733 +918125030288

yalamanchili Venkataramana

Inspector of police CAPF P.Gannavaram 

Contact +919441480733

               +918125030288

2063

2063

Telugu rachana

04/05/2022

=============================

రెక్కలు తెగినా శాంతి కపోతాం ఎక్కడనో పాపం

రక్తపు మడుగుల గుక్కతిరగని ఇది మన స్వాతంత్య్రం

ముప్పాతికలో ఇప్పటికింకా పాపే నా దేశం

బిక్షమెత్తెడి అన్నదాతల సుభిక్ష సామ్రాజ్యం

మద్యం మత్తున ఊగుతూ జోగుతు మతిమాలీజనము

మతాల పేరిట మారణహోమం మారములే మనము

పెత్తనదారుల తంతేయంత మనమే బానిసలం

పిల్లి తగవులు తీర్చనొచ్చిన కోతులదీ రాజ్యం

 

చెప్పులరిగినా చేతికందని  న్యాయం మన తంత్రం

రెక్కలాడినా డొక్కలాడదు ఇది మన సౌభాగ్యం

ఎక్కడికక్కడ ముక్కలు ముక్కలు ఏదీ లౌకికము

ముద్దకు నోచని మురికివాడలు ఆకలిపోరాటం

చెప్పుకుపోతే చరిత్ర మొత్తం ఒకరికి దాసోహం

రక్తపు మడుగుల గుక్కతిరగని ఇది మన స్వాతంత్య్రం

ఇంకా ఇంకా, ఇంకా ఇంకా , ఇంకా ఎన్నాళ్ళో

ఇంకిన కళ్ళకు ఏడుపు మంత్రం ఇంకా ఎన్నాళ్ళో

రెక్కలు తెగినా శాంతి కపోతాం ఎక్కడనో పాపం

=============================

                   య.వెంకటరమణ/..

2063

2063

Telugu rachana

04/05/2022

=============================

రెక్కలు తెగినా శాంతి కపోతాం ఎక్కడనో పాపం

రక్తపు మడుగుల గుక్కతిరగని ఇది మన స్వాతంత్య్రం

ముప్పాతికలో ఇప్పటికింకా పాపే నా దేశం

బిక్షమెత్తెడి అన్నదాతల సుభిక్ష సామ్రాజ్యం

మద్యం మత్తున ఊగుతూ జోగుతు మతిమాలీజనము

మతాల పేరిట మారణహోమం మారములే మనము

పెత్తనదారుల తంతేయంత మనమే బానిసలం

పిల్లి తగవులు తీర్చనొచ్చిన కోతులదీ రాజ్యం

 

చెప్పులరిగినా చేతికందని  న్యాయం మన తంత్రం

రెక్కలాడినా డొక్కలాడదు ఇది మన సౌభాగ్యం

ఎక్కడికక్కడ ముక్కలు ముక్కలు ఏదీ లౌకికము

ముద్దకు నోచని మురికివాడలు ఆకలిపోరాటం

చెప్పుకుపోతే చరిత్ర మొత్తం ఒకరికి దాసోహం

రక్తపు మడుగుల గుక్కతిరగని ఇది మన స్వాతంత్య్రం

ఇంకా ఇంకా, ఇంకా ఇంకా , ఇంకా ఎన్నాళ్ళో

ఇంకిన కళ్ళకు ఏడుపు మంత్రం ఇంకా ఎన్నాళ్ళో

రెక్కలు తెగినా శాంతి కపోతాం ఎక్కడనో పాపం

=============================

                   య.వెంకటరమణ/..

పొద్దుగూకు వేళలో పెద్ద వెలుగు తానైనెలవంకై నా ఇంట వెన్నెల వెదజల్లైనావెంటే తానుంటూ నన్నింతగ ప్రేమించేప్రియమైన నా ఇల్లాలికి ప్రేమతో.. 2059

పొద్దుగూకు వేళలో పెద్ద వెలుగు తానై

నెలవంకై నా ఇంట వెన్నెల వెదజల్లై

నావెంటే తానుంటూ నన్నింతగ ప్రేమించే

ప్రియమైన నా ఇల్లాలికి ప్రేమతో..

 2059

Telugu rachana

14/04/2022

=============================

తావిలేక పూవులేదు, పూవులేక ఫలములేదు

ఫలములేక వనము లేదులే

నీవులేక నేనులేను, నేనులేక నీవులేవు

నాకు నీవు లేనినాడు నేను లేనులే .నేను లేనులే

తార లేని గగనమూ ఘనాసూనము

చిగురు లేని కొమ్మలూ కళా హీనము

వెలుగు లేని కన్నులకు కలలు దూరము

నా కన్నుల వెలుగు నీవు ప్రియా భామిని

నింగి నీలి వర్ణము కొలనుకెంత అందము

సూర్యకాంత పుష్పానిది వెలుగు బంధము

నా జీవనరాగంలో  ప్రేమ తాళము

ప్రియా నాకు చాలునులే పెనిమిటి వరము

=============================

             య.వెంకటరమణ/..

2060

2060

TELUGU RACHANA

20/04/2022

========================

పరీభ్రమణమిలా తగదు ఓ మణిమాల

మరీ ఇలా జమీనుపై మతిపోయేలా

తెఱగంటిత్రోవలో తారొకటి లేదని

తలో దారి వెదుకసాగె చరా చరములు  

మిలా మిలా మేను ఛాయ  సువనకుమారీ

హొయలొలికే ఆ నడక నాట్యమయూరి

వంపులు మరి ఆ సొంపులు వంతులు మారి

నడుమొంకులు కురులొంకులు ఎవరీ నారి

నయనాలా నీ పేరూ నయన కుమారీ

మదువొలికే ఆ పెదవుల మధుబాలేమో

మణికట్టు పడికట్టు మణిమాలే మో

సిగ జుట్టు ఆ తీరు  శిరోమణి శిరోమణేలే

నయనాలా బాణాలు నను దూసుకుపోతుంటే

నిలిచేనా ఈ మనసు నయినబాలా

సిగలొనీ ఆ పూలు చెలాయించి చూస్తుంటే

చంచలమైపోరా మరి చిరంజీవులు

చెరకు బాణ మొకటి కాదు రతీ కుమారి

చెరో వైపు మన్మధుడు కృష్ణ మురారి

తునా తునకలన్నింటా నీవే మరి

ఇలా గాక ఎలా నేను చెప్పనో సిరి

సయ్యంటే సరే మరీ సరస కుమారీ

మాఘమాస మెందుకులే ముందునే సరి

తలో పేరు విడి విడిగా వద్దులే మరి

నా పేరే నీకిస్తా పంచుకో చెలీ

ఒప్పుకుంటే ముప్పు కూడ ముందు ఉందిలే

పాల గ్లాసు పంచుకునే పనే ముందులే

కార్తి సందులో కూడా కమామిషాలే

కథలుకథలు జనం నోట మనం మనములే

========================

               య. వెంకటరమణ/..

2055

2055

తెలుగు రచన

19/03/2022

===============

కొండలూ, గుట్టలూ

కోటలు, మేటలు

చివరికా చివర నున్న

పేటలనే పంక్తులు

వెతుకుతూపోయాను

వెతుకుతూపోయాను

శాంతినెతుకుతూ,

ప్రశాంతి నెతుకుతూ

పోయానే పొందలేక

ఇంతైనా శాంతిలేక

రక్తపాత మార్గంలో

రాజ్యాలను విస్తరిస్తు

జనం చంపి శవాలపై

జండాలను పాతుకుంటు

రక్తంతో రాళ్ళపైన

విజయోక్తులు వ్రాసుకుంటు

జనంజంపి రాజ్యాలను

జనానికై విస్తరించి

ఎవడికాడు ఇతిహాసం 

ఇంత కంత వ్రాసుకున్న

కో చరితల పుటల యందు

పడీ పడీ వెతికా నే

శాంతి లేని సమాజాన

శాంతి స్వప్న కిరీటాలు

చరితలిన్ని తిరగేసి 

తరచి తరచి నే జూసా 

రక్తంతో వ్రాసుకున్న చరితలన్ని నే జూసా

శాంతి లేని సమాజాన

శాంతి స్వప్న కిరీటాలు

శాంతి లేని సమాజాన

శాంతి స్వప్న కిరీటాలు

శాంతి లేని సమాజాన

శాంతి స్వప్న కిరీటాలు

===============

   య.వెంకటరమణ/..

2058

2058

తెలుగు రచన

30/03/2022

============================

ఎవరు నీవు నా ఎదలో అలజడింత రేపేవు

కన్నులలో జేరి నీవు నిదురనెళ్ళగొట్టవు

ఉండి కూడ లేనట్టే నన్ను నీవు చేసావు

ఉన్నపాటినీ నాలో ఇన్ని మార్పులిచ్చేవు

నిదురున్నా మేల్కొన్నా పెద్ద మార్పు లేదులే

ఎదురుగా ఎందరున్న అందరిలో నీవేలే

ఒంటరిగా నేనున్నా వెంట నీవు ఉన్నట్టు

వింత మాయలేవేవో ఇంతలోనె క్రమ్మినట్టు

ఏమిటో ఈ వింత ఎవరు నీవు ఎవరంట

కారు మబ్బులన్ని పుణికి కొప్పున నీవల్లుకుని

వెన్నెలమ్మ అందాలను ఒళ్ళంతా పులుముకుని

కన్నె త్రాచు నడక లాగా కదలాడే  అడుగులతో

మదిలో నువ్ మ్రోగించే  మన్మోహన్ రాగాలు

ఇంతకీ ఎవరునీవు   ఏమిటీ ఈ వింత

ఉన్నట్టే ఉండి ఉండి ఉలికిపాటు ఇదేమి

పలుకరింపు లేకున్నా బదులు చెప్పుటదేమి

పరధ్యానమే ఎపుడూ పలుకరించినా నచ్చదు

నిప్పులపై నడవడం నీటిపై తేలడం

నాకిప్పుడు గొప్పకాదు  ఎప్పుడిలా అవ్వలేదు

ఏమిటో ఈ వింత ఎప్పుడూ లేదింత

ఇంతకీ ఎవరు నీవు అలజడింత రేపేవు

తొలకరిలో జల్లులాగ నన్ను తడిపివేశావు

పులకింతలు గిలిగింతలు  ఎన్ని ఎన్ని తుళ్ళింతలు

ఇన్ని ఇన్ని, ఇన్ని వింతలా మరెన్ని వింతలా!?

=============================

             య.వెంకటరమణ/..

2057

2057

తెలుగు రచన

25/3/2022

==================

వాయవ్యంలో హోరా హోరీ

పడమట వాళ్ళ పండగ చూడోయ్

ఉత్తర మూలన పొంచి నక్కలు

దయనీయంగా దక్షిణ మోళ్ళు

ఇల్లు కాలి మరి ఈరయ్యుంటే

పేలాలేరుతు ప్రక్కింటోళ్ళు

పేరుకు మాత్రం పెద్దలు కానీ

పేలాలేరే బుద్ధులు పోవోయ్

పురుగును చంపే సత్తాలేక

పీనుగులట్లే రాశులు పోసి

పదినాళ్ళయినా కానే లేదు

ఎలాను పోతానేందీ పోరు

మనుజుల్లేని మట్టి కోసమా

మారణహోమం మానని త్రివిధం

మర్మం తెలియని మనుషులు పాపం

మట్టి శిధిలమా ఇదేమి న్యాయం

దేశపు టెల్లలు రక్తదారలు

పునాధులన్నీ శవాల డేరు

కాపాడేందుకు కాసుల్లేవు

కాల్చేటందుకు మార్భాలాలు

బోర్డరు పెంచే రాజుల యత్నం

బోసిపోయిన గోడలకయ్యో

నెత్తురు పూసా రంగులద్దడం

నెత్తురు పూసా రంగులద్దడం

===================

          య.వెంకటరమణ/..

2056

2056

తెలుగు రచన

20/03/2022

====================

సుదర్శన చక్రం  

శ్రీరాముని అస్త్రం

బోళాశంకర మూడో నేత్రం

సూర్య దేవుని అశ్వశకటము

ఏమయ్యేనో ఏమో ఏమో

ఇక్కడ పెరిగెను ఘోరం ఘోరం

రాజ్యం నిండెను రావణ బ్రాహ్మలు

కోరలుదీరిన మృగాల డేరు

చీకటి రాజ్యం భ్రష్టాచారం

ఆశల తీర్థం ఆకలిరాజ్యం

వికార జీవుల వికృత మౌఢ్యం

చిక్కులు వలలో  ఓటాఱు జనము

నింగికి నిచ్చెన భోగజీవులు

నేలకు నోచని అభాగ్యులెందరు

ఆకలి పాపం ఆహాకారం

ఆకలి తోనే జన వ్యాపారం

కామం నిండిన కబోది నైనం

మలమల మాడుతు మల్లెలు పాపం

మనుజుల పైకే మనుజులు చూడు

మృగాలు మేలు రోగులు వీళ్ళు

ఉంటే వేసేయ్ విష్ణుచక్రము

గంగను వదిలేయ్ సర్వనాశనం

చండీ వచ్చేయ్ నిండెను పాపం

అంతకు మించి లేదేమార్గం

====================

             య.వెంకటరమణ/..

అంతరించి పోతున్న చిట్టడవి

అంతరించి పోతున్న చిట్టడవిలో

ఆశలొడిగిన చెట్టు చిగురులేసింది

మఱ్ఱి చెట్టయినా మరో దారిలేక

పశు పక్షులు పక్కకొచ్చి చేరాయి

పచ్చి పిచ్చి మొక్కలన్ని పంచనొచ్చి చేరాయి

ఆసరా అని మెచ్చుకొనసాగాయి

అంత కంతై ఆ చెట్టు పెరిగింది

మ్రానుగట్టింది, ఊడ లిడిసింది

నీడ పెరిగిందని ఊరుమొత్తం నాడ చేరింది

మొదలు బాగుంటే మనము బాగుంటామని

మట్టి నోటన గరిచిపెట్టి చిట్టిచీమలు

గుట్ట పెట్టెను పుట్ట పెట్టెను మ్రాను చుట్టూ

గుట్టు తెలిసిన పాములన్నీ వచ్చిచేరాయి

పచ్చి మోసం పురుగు బుట్రను తినను నేర్చాయి

మ్రాను మాత్రం మండసంగా కాన వస్తుంది

చెట్టు చూస్తే లోపలంతా గుల్లబారింది

మఱ్ఱి చెట్టు నీడలోన మెక్కలన్నీ చచ్చిపోయాయి

మోసపోయిన జనం పాపం పరుగు దీశారు

ఊడలల్లుతు మఱ్ఱి చెట్టు ఊరుమొత్తం.

సశేషం

2054

2054

తెలుగు రచన

12/03/2022

====================

కనురెప్పలు వాలిపోతాయి

కనుబొమ్మలు రాలిపోతాయి

వాడిపోతాయి మారిపోతాయి

కొత్త ఆశలు చిగురులేస్తాయి

కొత్త ఆశలు చిగురులేస్తాయి

ఆశలన్నవి మొలకదీస్తాయి

చిగురు తొడిగి చిలవ పలవలు

నింగి వైపుకు దారితీస్తాయి

చిగురు తొడిగి చిలవ పలవలు

నింగి వైపుకు దారితీసేను

నిన్నలాగే నేడు కూడా  

కలలు కంటికి మిగులిపోయేను

ఎంత వాడీ అలఁతి ప్రాణి

ఎంతకెంతకు ఎంత ఎదిగేను

చూపు కంటే దూరమేగెను

నేలనొదలి నింగికెగసేను

నీటినార్పే నిప్పునే మరి

నిప్పుగా  ఈ మనిషి మార్చేను

నిప్పు లాంటి సత్య మొకటి

ఎప్పుడూ ఈ మనిషి మరిచేను

తృప్తి లేని తత్పరుండు 

తపనలోనే తనువునిడిచేను

తనది మొత్తం తవిషనిడిచి

రిక్తహస్తుడు  పరముకేగేను 

==================

         య.వెంకటరమణ/..

ఏమో!ఇలా వచ్చేసింది,వ్రాసేసా.బాగుంటే చదవండి.

ఏమో!ఇలా వచ్చేసింది,వ్రాసేసా.బాగుంటే చదవండి.

============================

నే నిషా పుచ్చుకోలేదు, నిజం నన్ను నమ్ము

నీ కళ్ళమత్తు కాబోలు కల్లోలం అయ్యింది

నిదురంతా నీవే మరి ఆ నిద్దురేడకేగింది

నే నిషా పుచ్చుకోలేదు, నిజం నన్ను నమ్ము

నా తోటపూలు చూడు మరీ మృదువు మరిచిపోయాయి

నిన్ను తాకినాయేమో తమ ఉనికి మరిచిపోయాయి

ఆ అలలకేమి మూడింది.. నీ కురులుజూసికాబోలు

అలా-అలా తేలిపోతు అల్లరంత చేస్తున్నాయి

ఈ కోయిలమ్మకేమాయే కొత్తపాట పాడుతుంది

నీ అనురాగం చూసిందా తనరాగం మారింది

మరీ చిత్ర మీ ఉదయం ఇంతందంగా ఉంది

నీ అందం చూసిందా అది ముస్తాబయ్యొచ్చింది

చందమామకేమిటంట తొందరగా వచ్చింది

ఉన్నపాటినీ వెన్నెల ఇలా పరిచి వేసింది

నిన్నేమి అనుకుంటుందో,ప్రతిభింబం కానని చెప్పు

పదేపదే నిన్నుచూసి అలా మురిసిపోతుంది

నే నిషా పుచ్చుకోలేదు. నిజం నన్ను నమ్ము

నీ కళ్ళమత్తు కాబోలు కల్లోలం అయ్యింది

నిదురంతా నీవే మరి ఆ నిద్దురేడకేగింది

నే నిషా పుచ్చుకోలేదు. నిజం నన్ను నమ్ము

============================

...............య. వెంకటరమణ

2001

2001

TELUGU RACHANA

---/---/-------

=================

నీ ఊహల్లో నేనుంటే నాకిష్టం

నా ఊపిరి అది నీవైతే నాకిష్టం

ఆ చూపుల్లో ప్రేమంటే నాకిష్టం

పెదవిరుపుల నీ కోపం నాకిష్టం

కోపంలో జడ విసురులు నాకిష్టం

జతకోరే ఎదపొంగులు నాకిష్టం

కొంగంటని ఆ వంపులు నాకిష్టం

మదిరేపే అల్లరులే నాకిష్టం

వయ్యారీ నీ నడకకు సైకొట్టే

జడగంటలు నాకిష్టం నాకిష్టం

అడుగుల్లో అడుగై నే ఏడడుగులు

నడిసొచ్చి ఏకంగా ఉండడమే నాకిష్టం

అదృష్టం కలిసొస్తే ఆ కోణం నాదైతే

ఇరుకైనా సరే మరి, ఈదుకెళ్ళి పోవటం

గెలుపోటపు ఆటలో చివరికోడిపోవడం

ఒదిగి నిన్ను చేరటం, నాకిష్టం నాకిష్టం !!

========================

........................య.వెంకటరమణ

1889

1889

తెలుగు రచన

13/12/2019

=================================

ఆ అంచు ఈ అంచు నింగి నీకు పవిటంచు

పర్వతాల ఎత్తులు పరిమళించు సోయగాలు

సెలయేటి గల గలలు ఘల్లు ఘల్లు అందె మువ్వలు

ఒడ్డు లేని ఈ కడలీ హృదయ సీమలో

కీరవాణి ప్రేమ గీతి నన్ను పాడనీ

హొయలొలికే వయ్యారీ గొల్లబామనడిగాను

నెలవంకు నుదిటబొట్టు నిలదీసి అడిగాను

పొదిగి ఉన్న పొదల మాటు మల్లె తీగనడిగాను

నీ జాడా తెలియక నే నింగి నేల తిరిగాను

వెన్నెలమ్మనే చూసి వన్నె నీది అనుకున్నా

వన్నెలొలుకు వనజాక్షిని వనమంతా వెతికాను

నన్ను విడిచి వెళ్ళకలా నీలి మేఘమా

చిన్న జాడ చెప్పి వెళ్ళు చెలియ చంద్రమా

తూలిన ఈ కళ్ళతో తులా భారము

చెల్లిన నా కలలకు చెలియ నీవు వాస్తవం

మళ్లీ మళ్లీ కలలుగనే ముగ్ద నీ రూపము

మన్నిస్తే జన్మిస్తా మరుజన్మ నీకోసం

=================================

యలమంచిలి వెంకటరమణ...

2002

2002

తెలుగు రచన

16/12/2020

===========================

అలక చాలులే రాజా అలగమాకిలా

అనువు కాని చోట నీవు అడిగితే ఎలా

ఆస్థులన్ని వ్రాసిస్తా ఆగరాద నీవు జరా

చెలికత్తెల చెంతనుండ చెప్పలేనుగా ఇలా

వెన్నెలమ్మ వాకిట్లో పందిరేసి పెట్టింది

మురిపాలూ మూటగట్టి మల్లెలమ్మ పిలిచింది

రాయబారి మేఘమాల రాగాలా కోయిలమ్మ

వంతులేసి ఇంత ఇంత ఇంత చేయగా

పైరగాలి పంతముతో పవిట నిలువనీకుంది

పొద్దెరుగని ఈ పరువం హద్దుమీరిపోతోంది

పడమరేపు కొండలలో పొద్దు దాగి చూస్తుంది

గుండె కూడ మాట వినదు గుబులు గుబులుగా ఉంది

కోయిలమ్మ నేడు చూడు కొత్త రాగమెత్తింది

చూడ ఊరు జనంలో ముచ్చటే మనదుంది

మాటుమనగనీ ఊరు ముద్దుల మామా

వెన్న మీగడిస్తాను మెచ్చుకునేలా

===========================

యలమంచిలి వెంకటరమణ/.

2003

2003

తెలుగు రచన

21/12/2020

===================

వేదాలెలసిన దేశంలో

వెదవల రధాల రోధనతో

కపూత ప్రసూత వేదనతో

ఉసూరు మంటుందీ తల్లి

తలనమ్మేది ఒకరనుకుంటే

తననమ్మేసే దళారి ఒకడు

మిఠాయిపొట్లం ఆమడ జూపి

రక్తం పిండే జలగల డేరు

ఉక్కుగొలుసుల ఉచ్చుల బిగిలో

ఊపిరి సలపని దుర్దవ దశలో

దేశాన్నయ్యో దరిద్రమాతకు

దాసోహానికి దానం చేసే

తల్లిని సైతం తెగనమ్మేసే

తనయులు తానా తందానా

తడిసిన కళ్ళకు కాటుకలద్దే

దళారులందరు తందానా

===================

యలమంచిలి వెంకటరమణ/.

2004

2004

తెలుగు రచన

01/01/2021

HAPPY NEW YEAR

===================

సర్వం మరిచిపోవాలని నాడు త్రాగాను

త్రాగి సర్వం నేడు నేనే మరిచిపోయాను

ముందు త్రాగి నేనేడుస్తూ నవ్వాను

నవ్వలేక నేడేడుస్తు మందు త్రాగుతున్నాను

కొన్ని మరువాలని నేనిన్ని మరిచిపోయాను

మరిచి మరిచి నన్ను నేనే విడిచిపోయాను

పందితో నే పానుపేసాను కుక్కతో నే ప్రక్క వేసాను

త్రాగుబోతునే నేను ఎంత కాదన్నా

నాడమ్మకొడితే అలిగి త్రాగను

రేడు నాన్న తిడితే నేను త్రాగాను

నేడెవడు పడితే వాడు కొడుతుంటే

నేడెవడు పడితే వాడు కొడుతుంటే

అలక మరిచాను సలుపు మరిచాను

నేడెంత కాదన్నా త్రాగుబోతున్నేను

ఆస్థులమ్మాను పుస్తులమ్మాను

మానమమ్మా నభిమానమమ్మాను

నమ్మలేనీ నిజం నేనే అమ్ముడయ్యానూ

మానివేశాను త్రాగుడే నే మానివేశాను

త్రాగుడే నను త్రాగుతుంది

బ్రతకడం నే మానివేశాను

త్రాగుడే నను త్రాగుతుంది

బ్రతకడం నే మానివేశాను

===================

యలమంచిలి వెంకటరమణ/..

2005

2005

తెలుగు రచన

02/01/2021

==========================

రారాదా వసంతమా రాలి పోయానూ

వికటించిన గ్రీష్మంలో మాడి పోయాను

రారాదా వసంతమా రాలి పోయానూ

వికటించిన గ్రీష్మంలో మాడి పోయాను

వేచి వేచి ఎదురు చూసి వేసవిలో వేడిగాచి

శిశిరంలో ఆకులా శిథిలమై పోయానూ

తుఫానులో ఎగిరి నేను ఎడారికి చేరాను

వసంతమా ఒక్కసారి వచ్చి వెళ్ళుమా

కోయిలమ్మ నీవైనా చెప్పి చూడుమా

సెలయేటి ఒడ్డున కొత్త చిగురునై

చిగిరించే చిన్న ఆశ చెరగనీకుమా

వసంతమా ఒక్కసారి వచ్చి వెళ్ళుమా

==========================

యలమంచిలి వెంకటరమణ/.

2006

2006

తెలుగు రచన

04/01/2021

===============

కొంచెమున్న చీమలూ

ఖరారైన మొక్కలు

జలములో చేపలూ

ఎగురుతూ పక్షులు

కలిసన్నీ బ్రతుకుతుంటే

కలిగన్నీ యోచించక

కలిసి బ్రతుకు నేర్వలేక

మనిషేందుకు మరీ ఇలా

కులాలుగా తెగలుజేసి

మతలుగా మరీ దీర్చి

ఆ మూలన వాడంటూ

ఈ మూలన వీడుంటూ

తెగలు తెగలు తలో దారి

తగలబెట్టు వెతలు బెట్టి

చావలేక బ్రతుకుతూ

బ్రతికినోళ్ళ చంపుతూ

ఎందుకయ్య బ్రతకలేడు

బ్రతికెటోళ్ళ బ్రతకనీడు

ఎందుకయ్య బ్రతకలేడు

బ్రతికెటోళ్ళ బ్రతకనీడు

బలాదూర్ నాయాళ్ళు

బ్రతకనేర్చి చంపుతుంటె

బాధ్యతగల పౌరులమై

బడలి బ్రతుకనేలనోయి

కలిసుంటే కలదు సుఖము

కలిసుందాం మనం మనం

కలిసుంటే కలదు సుఖము

కలిసుందాం మనం మనం

=================

యలమంచిలి వెంకటరమణ/.

007

007

తెలుగు రచన

06/01/2021

===================

కురస బట్టల ఫ్యాషనొచ్చింది

పొడవు జుట్టూ క్రాఫు కొచ్చింది

లోన గుడ్డలు బయటకొచ్చాయి

బయట ముగ్గులు వంటికెక్కాయి

వంట గదిలో వారుపుండదు

పడక గదికి మరుగు ఉండదు

ఇల్లు ఖాళీ రోడ్లు రద్దీనోయ్

అమ్మానాన్నలు రోత నేడోయి

లేచి తడువు లేడి పరుగు

పరుగు పరుగు అదే బ్రతుకోయి

శిష్టమన్నది శిష్టమాయెను

చిరుగు బట్టల సోకులంటోయి

భయములుండవు భక్తిలుండదు

బాధ నెఱిఁగిన మనుజులుండరు

వాయి వరసలు మాయమయ్యేనూ

పడుపుతనముకు పార్కులొచ్చేను

పోయెకాలం పరిధి దాటేను

పాపమెపుడో హద్దు మీరేను

శ్వేత అశ్వం సిద్ధమయ్యేనూ

కల్కి విష్ణువు సమయ మొచ్చేనూ

======================

యలమంచిలి వెంకటరమణ/.

2008

2008

తెలుగు రచన

09/01/2021

°°°°°°°°°°°°°°°°°°°°°°°°°°°°°

ఏ తీగదో ఈ రాగమూ

ఏ రాగమో ఈ గీతము

ఈ పాట నను పాడనీ

ఆ తీరాలు నను దాకనీ

ఏ శుక్తిలో ముత్యమో

పలు వరసగా మారెనే

ఏ తోఁట దీ కుసుమమో

స్మితమాయే నీ మోమునా

మెరుపు మేళవింపుల ఛాయ

విల్లు వంచిన నడుము

నడక నాట్య లహరి

నీది ఏ పురము నారీ

నల్ల ద్రాక్షాల కనులు

మల్లెపూవుల తెలుపు

చెంప జారిన ఒంపు కురులు

చిలుక నాసికమాని చెక్కిళ్ళు

చెవిజాటు నా తావు

చిన్న ముద్దు కొళ్ళు

చేసెటి అల్లర్లు జెప్పతరమా

కందిపోయే శంక నాచేయి తాక

మృదువైన కౌగిళ్ళల్లో

ఎదురిచ్చి నా ఊపిరి

కాపాడు కోవాలనీ

కలగనుట అతియాశనా

పెరియారు పెన్నిధులు

పేట ముక్కోటి దేవతలు

ఆశీస్సులందింప నతిధులెల్ల

నాగడియ నాదగుటయే భాగ్యము

°°°°°°°°°°°°°°°°°°°°°°°°°°°°°

యలమంచిలి వెంకటరమణ/.

2008

2008

తెలుగు రచన

09/01/2021

°°°°°°°°°°°°°°°°°°°°°°°°°°°°°

ఏ తీగదో ఈ రాగమూ

ఏ రాగమో ఈ గీతము

ఈ పాట నను పాడనీ

ఆ తీరాలు ననుదాకనీ

ఏ శుక్తిలో ముత్యమో

పలు వరసగా మారెనే

ఏ తోఁట దీ కుసుమమో

స్మితమాయే నీ మోమునా

మెరుపు మేళవింపుల ఛాయ

విల్లు వంచిన నడుము

నడక నాట్య లహరి

నీది ఏ పురము నారీ

నల్ల ద్రాక్షాల కనులు

మల్లెపూవుల తెలుపు

చెంప జారిన ఒంపు కురులు

చిలుక నాసికమాని చెక్కిళ్ళు

చెవిజాటు నా తావు

చిన్న ముద్దు కొళ్ళు

చేసెటి అల్లర్లు జెప్పతరమా

కందిపోయే శంక నాచేయి తాక

మృదువైన కౌగిళ్ళల్లో

ఎదురిచ్చి నా ఊపిరి

కాపాడు కోవాలనీ

కలగనుట అతియాశనా

పెరియారు పెన్నిధులు

పేట ముక్కోటి దేవతలు

ఆశీస్సులందింప నతిధులెల్ల

నాగడియ నాదగుటయే భాగ్యము

°°°°°°°°°°°°°°°°°°°°°°°°°°°°°

యలమంచిలి వెంకటరమణ/.

2009

2009

తెలుగు రచన

14/01/2021

=========================

కొండనే నేను గుండె నిండా నీరు

ఆ నీటి ధారలో తానమాడే మీరు

కోనేరు సెలయేరు అనుకొందురే గాని

బ్రద్దలయ్యే గుండె బాధ లెఱుగంగలేరు

మొలిచి నిలచిన వనములెల్ల నరుకనేర్చేరు

తొలచి గర్భ ఘనులుదీసే ఘనులు మీరు

చదును జేసీ సంభ్రమేలయ్యా

గర్భఘోషను యెఱుగరేమయ్యా

గూడు లేక కోట్ల పక్షులు శిథిలమయ్యేను

నీడ లేక నేల సైతం నెరలుబారేను

చెట్లు నరికి చదును జేసీ

విలుప్తత జేయ మేలా సృష్టినిట్లు

వాన కురిసే దారి నేనూ

వరద రోధకంబు నేనూ

ఘనులు తొలిచే గనులు మీరయ్యా

గతులు దప్పెను ఋతువులనకండీ

వెతలు బోవుట తగదు లేవండి

కంపనాలూ కరువు బాధలు

కొత్త కొత్త వింత ఆమయములు

ఎంత ఆయుషు ఎంత కొచ్చింది

సృజనశీలత భ్రష్టమయ్యిందీ

కొండనే నేను గుండె నిండా నీరు

ఆ నీటి ధారలో తానమాడే మీరు

కోనేరు సెలయేరు అనుకొందురే గాని

బ్రద్దలయ్యే గుండె బాధ లెఱుగంగలేరు

=========================

Yalamanchili Venkataramana/..

2010

2010

తెలుగు రచన

18/01/2021

=================

కాకపోదును కవిని నేను

లేకపోవును కవనశీలత

కాదు నేను నిద్వజనుడన్

విధికి లోబడి బ్రతుకు జీవుడ

మాటలొచ్చిన మ్రాను నేను

చూడగలిగిన గ్రుడ్డి వాడను

వినికిడెరిగిన బధిరి నేనూ

సొంత లాభం సంఘ జీవిని

తిండి కొరకు తినట మాని

నీడ కొరకూ ఎండ నెండీ

నాది కానీ దాని కొఱకు

నన్ను మరిచే మనిషి నేను

సృష్టి మర్మం ఎరుగ లేనీ

సృష్టి నేలే శ్రేష్ఠ జీవిని

కట్ట కట్టి కట్టెలందున

కాలిపోయే మట్టి మనిషిని

నిన్న మరిచీ రేపు ఎరుగని

నేడు నాపే నిగ్గు లేనీ

గోడ కెక్కిన పటం నేను

మాటవరసకు మనిషి నేను

నోటపెంటా గబ్బిలాలూ

నిశీధిలో గుడ్లగూబలు

తెల్లవారితె కుప్పతెప్పలు

మూత గప్పిన మురికి వాగులు

తానా తానా తందనానా

ముప్పు తప్పదు ముందరోయి

భూమికెందుకు బరువు చేటు

దాటుకెళ్ళే దారు లెదుకోయి

===================

య. వెంకటరమణ__/°°

2011

2011

Telugu Rachana

21/01/2021

===================

ఎవరు కట్టిన గోడలో ఇవి

ఎవరు వేసిన పునాదులో

శక్తిశాలే పర్వతాలను

పగలగొట్టి కట్టినారో

అంతకంతకు పెరిగిపో యే

వింత రాళ్ళను పేర్చినారో

ఇంత పెరిగిన అంకణాలు

కోటగట్టిన కోటి తెగలు

తెగని తగువుల తెగలడేరు

తెగల వారీ మతం వేరు

మానవత్వం పునాధుల్లో

మనగద్రొక్కిన మనిషి తీరు

బ్రతుకు మార్గపు వర్ణభేదం

బడలి చావుకు దారి తీస్తే

బదల రానీ పరాత్పరుడు

మదనపడుట మహత్తరమా

మనసు తలుపులు తెరిచి చూడు

అంతరాత్మకు ఒదిగి బ్రతుకు

ఊరకే ఈ తగవులెందుకు

కులంమీదా మతం మీదా

కులం మీదా..? మతం మీదా..?

మనది మనమే మతం కాదా

కలిసి బ్రతికే మార్గమెంచు

కడకు బ్రతుకే స్వర్గమనుచూ

===================

య. వెంకటరమణ/.

2011

2011

Telugu Rachana

21/01/2021

===================

ఎవరు కట్టిన గోడలో ఇవి

ఎవరు వేసిన పునాదులో

శక్తిశాలే పర్వతాలను

పగలగొట్టి కట్టినారో

అంతకంతకు పెరిగిపో యే

వింత రాళ్ళను పేర్చినారో

ఇంత పెరిగిన అంకణాలు

కోటగట్టిన కోటి తెగలు

తెగని తగువుల తెగలడేరు

తెగల వారీ మతం వేరు

మానవత్వం పునాధుల్లో

మనగద్రొక్కిన మనిషి తీరు

బ్రతుకు మార్గపు వర్ణభేదం

బడలి చావుకు దారి తీస్తే

బదల రానీ పరాత్పరుడు

మదనపడుట మహత్తరమా

మనసు తలుపులు తెరిచి చూడు

అంతరాత్మకు ఒదిగి బ్రతుకు

ఊరకే ఈ తగవులెందుకు

కులంమీదా మతం మీదా

కులం మీదా..? మతం మీదా..?

మనది మనమే మతం కాదా

కలిసి బ్రతికే మార్గమెంచు

కడకు బ్రతుకే స్వర్గమనుచూ

===================

య. వెంకటరమణ/..

2011

2011

Telugu Rachana

21/01/2021

===================

ఎవరు కట్టిన గోడలో ఇవి

ఎవరు వేసిన పునాదులో

శక్తిశాలే పర్వతాలను

పగలగొట్టి కట్టినారో

అంతకంతకు పెరిగిపో యే

వింత రాళ్ళను పేర్చినారో

ఇంత పెరిగిన అంకణాలు

కోటగట్టిన కోటి తెగలు

తెగని తగువుల తెగలడేరు

తెగల వారీ మతం వేరు

మానవత్వం పునాధుల్లో

మనగద్రొక్కిన మనిషి తీరు

బ్రతుకు మార్గపు వర్ణభేదం

బడలి చావుకు దారి తీస్తే

బదల రానీ పరాత్పరుడు

మదనపడుట మహత్తరమా

మనసు తలుపులు తెరిచి చూడు

అంతరాత్మకు ఒదిగి బ్రతుకు

ఊరకే ఈ తగవులెందుకు

కులంమీదా మతం మీదా

కులం మీదా..? మతం మీదా..?

మనది మనమే మతం కాదా

కలిసి బ్రతికే మార్గమెంచు

కడకు బ్రతుకే స్వర్గమనుచూ

===================

య. వెంకటరమణ

2012

2012

Telugu Rachana

24/01/2021

=======================

నీలి మేఘాల క్రింద నేల అందాలు

హేళి బంగారు వలువాంబరాలు

కుసుమ నెత్తావి స్తబ్ద సమ్మోహము

రమణీయ రసభరిత సాయంత్రము

జాజి మల్లియలన్ని జాబిల్లి కోసం

జాము జాగార జాన వయ్యారము

జలాధార లయ గీత నేపద్యము

కొలను శ్వేతోత్పలావర్ఛము

తావి తమ వంతు విన్యాసము

ఈల పాటల గాలి కూగియాడే

కొమ్మ కొమ్మ కో కొత్త వాయిద్యము

వైవశ్యమగుపించు వర్ణ మిళితం

హింసీర సంగీత శ్రావ్యస్వరముల్

జాలరిడిచిన దోనె తెరచాప రెపరెపలు

నిమ్మగిల్లిన మామ చెంత జేరిన ఎంకి

సిగ్గులొలికే మోము శృంగార హొయలు

చింతలన్నీ విడిచి చెంత చేరిగ జంట

వెలుగులొలికే దివ్వె మెలిదిరిగె బిడియాన

అదుపు దప్పగ జూసి జంట నజరాన

తకిదిమిత తెల్లార్లు తందాన వాన

=========================

య. వెంకటరమణ/..

పైపులోని నీరులా పడి పోడానికెందుకంత తొందర

================================

పైపులోని నీరులా పడి పోడానికెందుకంత తొందర

పొయ్యి మీద నీళ్ళలా పైకెళ్లాడానికెందు కింత అల్లరి

నింగిలో మేఘమవ్వాలంటే క్రింద నీరు మండాలీ

పతనమవ్వాలంటే ఎంత చిన్న వెలుసుబాటు చాలు

=================================

య. వెంకటరమణ/.

2013

2013

తెలుగు రచన

26/01/2021

==============

భారత జాతి మనది

భాగ్య దాత మనది

మన తత్వం మనది

మానవత్వమే అది

మతాలనీ మొత్తుకుంటు

కులాలనీ కొట్టుకుంటూ

కుచ్చితాల ఉచ్చులలో

కుతంత్రాల వ్యూహంలో

మనిషి కొరకు మనిషి గాక

మనిషి కోరకో మనిషై

మట్టిగరిచి పోతున్నా

మత్తు విడక మనమెందుకు

గిట్టుటకే పుట్టినట్టు

గట్టి గుట్టలవుకుంటూ

ఎక్కుపెట్టు బాణాలకు

ఎదురెల్లా లెందుకు

ఏరులై పారుతున్న

ఆ రక్తం ఏ జాతిది

నిర్జీవా ఖాయాలను

అడుగు నీవు మతమేదని

ఉగ్రవాదామో ప్రక్కన

ఉన్మాదులు మరో ప్రక్క

ప్రక్క సంధులెతుకుతూ

పరుల పోరు మరో ప్రక్క

చిన్న వేలు చిటికినేలు

బిగబడితే పిడికుళ్ళు

పిడికిలి నీ పిరంగీ

పదులు కాదు కోట్లమంది

ఒకే ఒక్క నినాదం

వందేమాతరం

భరతమాత బిడ్డలం

మనమంతా ఒక్కరం

==============

య.వెంకటరమణ/.