2059
22/07/2022
=======================
బురద నీటి యా కమలం కాను
చెత్త వీధిలో చీపిరి కాను
వెనుక చూడని విక్కము గాను
తిరుగుడు చక్రం సైకిలు గానీ
పంటలు పెరికే కొడవలి గాని
కానే కాను వృక్కము నేను
మృగముల నడుమ ఒదుగి బ్రతికెడి
చీనము, చమూరు, కానే కాను,
నెత్తురు మరిగిన సింహం గాను
వీరుడు విడిచిన విల్లున్నేను
కాల్చే కొద్దీ పదునుదేరిన గొడ్డలి నేను
వెలిగే కాగడ యువతన్నేను
విరుచుకు పడేటి పిడుగున్నేను
విల్లు విడిచినా విశిఖమును నేను
నివురు గప్పినా నిప్పున్నేను
కొలిమి నిప్పులో కొనలుదేరిన
ఖడ్గం నేను కవచం నేను
భవితకు పునాది బ్రహ్మ అస్త్రము
భావితరానకి బారోస నేను
భారతమాతకు ముద్దు బిడ్డనా
యువతన్నేను యువతన్నేను
=======================
No comments:
Post a Comment