1932
తెలుగు రచన
30/07/2020
===================
చావుకు బుట్టిన చీమల్లారా
అలసీ సొలసిన జీవుల్లారా
ఆకలి మరిగిన ఆర్తుల్లారా
ఆఖరి వరస అధ్యాయంతో
ఆరవ వేదం సిద్దం చేద్దాం
అది మనకోసం మనమే వ్రాద్దాం
అంతరాలకు హద్దులు గీద్దాం
నడుమే వంగని నాయకులారా
వస్త్రం నలగని సేవకులారా
స్వర్గం కోరే త్రిశంకులారా
అరిగో అరిగో వశిష్ట పుత్రులు
అరిగో అరిగో వశిష్ట పుత్రులు
శాపం తప్పదు ఛండాలులకు
ఎందరు ఉన్నా విశ్వామిత్రులు
వజ్రాల మాల ఇనుమైపోవు
విశ్వామిత్రులు ఎందరు ఉన్నా
తల్లకిందులే త్రిశంకు స్వర్గం
తలపులు మారే సమయం ఇదిగో
మూసిన తలుపులు తీసేయ్ తీసేయ్
========================
యలమంచిలి వెంకటరమణ..
No comments:
Post a Comment