2055
తెలుగు రచన
19/03/2022
===============
కొండలూ, గుట్టలూ
కోటలు, మేటలు
చివరికా చివర నున్న
పేటలనే పంక్తులు
వెతుకుతూపోయాను
వెతుకుతూపోయాను
శాంతినెతుకుతూ,
ప్రశాంతి నెతుకుతూ
పోయానే పొందలేక
ఇంతైనా శాంతిలేక
రక్తపాత మార్గంలో
రాజ్యాలను విస్తరిస్తు
జనం చంపి శవాలపై
జండాలను పాతుకుంటు
రక్తంతో రాళ్ళపైన
విజయోక్తులు వ్రాసుకుంటు
జనంజంపి రాజ్యాలను
జనానికై విస్తరించి
ఎవడికాడు ఇతిహాసం
ఇంత కంత వ్రాసుకున్న
కో చరితల పుటల యందు
పడీ పడీ వెతికా నే
శాంతి లేని సమాజాన
శాంతి స్వప్న కిరీటాలు
చరితలిన్ని తిరగేసి
తరచి తరచి నే జూసా
రక్తంతో వ్రాసుకున్న చరితలన్ని నే జూసా
శాంతి లేని సమాజాన
శాంతి స్వప్న కిరీటాలు
శాంతి లేని సమాజాన
శాంతి స్వప్న కిరీటాలు
శాంతి లేని సమాజాన
శాంతి స్వప్న కిరీటాలు
===============
య.వెంకటరమణ/..
No comments:
Post a Comment