మారని మారకం

నిన్నేనేమో! అనుకుంటే నేడూ కూడా ఇంతేనా?
అమ్మేటోడి ధరలంతే కొనేటివాడి గతియేమా!
కొన్నైనా కొనలేకే అమ్మనాయే  ఉన్నఇల్లు.
పండించే రైతన్నలు పస్తులతో అగచాట్లు.
పప్పులమ్ము  దళారోడు కట్టనాయే మేడలెట్లు?
కందిపప్పు వందకెళ్ళే–రోజుకూలి బియ్యమాయే,
ఉల్లిపాయ రెల్లుగాయ నింగినంట బోవునాయే .
స్విచ్చులేసినంతనే బిళ్ళుపేలు మంత్రమేసి,
ఇంటింటా కరంటంటూ చిచ్చులేసి పెట్టినారు.
అప్పులింత మాఫీజేసి,పన్నులెంత పెంచిరయ్య,
గింతరోడ్డు చదునుజేసి, టోలుగేటు లెంతబెట్టె!
బండిరేటు  తగ్గజూసి  – ఇందానా పెంచిరాయే,
పెద్ధఫోజుకొట్టిరయ్య,పంచతీరు సొంత ఆస్తి.
గద్దెకెక్కి గలీజోళ్ళు గంజిదక్కనీయకాయే.
నిన్నేనేమో! అనుకుంటే నేడూ కూడా ఇదేనా?
నింగినంటు రేటులింక నేలజేరకవ్వునా ..!!
...........................య.వెంకటరమణ