జీవన్మరణం

అత్తరులద్దిన గంధం ఏమైపోయింది
ఖరీదు గంధం కంపైపోతుందెందుకు?
స్వేధంలో మధురం వెతికిన  నువ్వు
నాశికమదిలిస్తున్నావెందుకు?
కనుసన్నల్లో నడిపిద్దామనుకున్నా
నీ చేతులు అవి మూసేస్తున్నాఎందుకు?
ఎన్నడు కలువని అడుగులు నావి
తాళ్ళతో అవి కడుతున్నారెందుకు?
బంగారు గొలుసులు బోలెడు కాదా
నను తాళ్ళతొ కడుతున్నారెందుకు ?
ఆస్తీ-అంతస్థన్నీ నావే కాదా
నను బయటకు మోసేస్తున్నారెందుకు?
అలుపెరుగని ఆశలు కావా నావి
అంతా సూన్యంగగుపిస్తుందెందుకు?
సుతిమెత్తని పానుపులేమయ్యాయి?
కట్టెలపై నను జేర్చారెందుకు ?
నా వెనుకే నడిచే మీరంతా
నా ముందే నడిచెల్తున్నారెందుకు?
నే రగిలించిన నిప్పులుకావా అవి
నన్నే తగలేస్తున్నా ఎందుకు ?
నీ భయముకు ధైర్యం కాదా నేను
నను చూసే భయపడుతున్నారెందుకు?
నా ఆశల వలయం కూల్పోతుంటే
ఆస్తులవాటాలేస్తున్నారెందుకు?
మృత్యువుకే మృత్యువుననుకున్నా
ఆ మృత్యువు నన్నూ కభళించిందే!
సామంతం ఎరుగని చావిది
ఇప్పుడు నను కభళించిందే
 ఆ చావును మరిచానేను
అది మరువక వెంటాదిందే
బ్రతికుందును మీలోనేను
మనస్సులో బ్రతికే ఉందున్నేను
అవకాశం నాకుండుంటే
అయ్యో బ్రతికుందున్నేను
అయ్యో బ్రతికుందున్నేను !

                య. వెంకటరమణ