హిందూ,ముస్లిం-భాయి,భాయి
నిజమేనోయి భాయి భాయి
ఇబ్బందంతా అదేనులేవోయ్
ఆస్థులకాడే తగాదలోయి !
ఆస్థులుపంచిన పెద్దోళ్ళంతా
హద్దులు గియ్యక పోయారయ్యో
అద్దిరబన్నా అసలు చిక్కది
కాశ్మీరంలో అది కనిపిస్తుందోయి!
ఎడమొఖమాళ్ళు,పెడమోఖమీళ్ళు
విడమరసంగా ఎవరున్నారు?
దొరికిందదునని దోచేటోళ్ళే
ఇంకో రాయి వేసేటోళ్ళే!
నాదీ నీదని ఏదీ లేదోయ్
నువ్వూ నేనే మనమంటేనోయ్
ఖర్మలకొద్దీ మనుషులమోయి
మంచినిమించిన మతాలులేవోయ్!
హద్దులు గీచె వరవడి తప్పు
యుద్దాలెందుకు అంతాముప్పు
ప్రజలకు రుద్దే రాజతంత్రమిది
పచ్చేఓర్వని పక్షాలెందుకు!
దన్నం వెడితే హిందువులవునా?
దోసిలిపడితే ముస్లీమవునా ?
ఆ చేతులు చాచి గుండెకద్దుకో
సర్వం మరిచి ప్రేమపంచుకో !!
.............య.వెంకటరమణ
( విన్నపం:- అయ్యా ! ఇది ఏకత్వాన్ని పురస్కరించుకుని వ్రాసినది.దయుంచి కుల మత ధర్మ సంభందిత విమర్శలు చేయకండి. ఏ ధర్మాన్నైనా దూషించి మాట్లాడేవారు దయుంచి దీనిని వేదిక చేయవద్దుధర్మం కంటే,మతం కంటే మానవత్వం గొప్పదనే విషయం మనసులో పెట్టుకోవలసినదిగా మనవి)
No comments:
Post a Comment