గమ్యంఎరుగని కాలం

గమ్యంఎరుగని కాలంతో
గమనంచేస్తూ ముందుండీ,
గతించిపోయిన కాలాన్ని
గమనంతో మరిముడిపెడుతూ,
కవితలువ్రాసే పనియంటే
సులభం కాదది సుతరాము.

సులభం కాదది సుతరాము
సూక్షమ దృశ్యం చూస్తూనే
చూడని కళ్ళకు చూపిస్తూ
చూసే కళ్ళను మరిపిస్తూ
కవితగమలిచే పనియంటే
సులభం కాదది సుతరాము
సులభం కాదది సుతరాము.

మనసుకు వెలుగులు చూపిస్తూ,
చీకటి పటనం సాగిస్తూ,
వ్రాయటమంటే పనికాదోయి
స్పందించేటి హృదయంతో
స్పందనకలిగే పదములతో
పదిలం చేసే పనియంటే
సులభం కాదది సుతారము.
సులభం కాదది సుతరాము.

.....యలమంచిలి వెంకటరమణ