విద్యావంతులు వందలకొందలు
ఒక్కడు లేడా జ్ఞానమంతుడు?
అప్పుడు రాసిన చట్టాలన్నీ
ఇప్పుడుకూడా అచ్చులుగుద్దే
ప్రచండభారత మహీపుత్రులు!!
చదివేటప్పుడు రేంకుల యత్నం
చదువయ్యాక ఉద్యోగ రాట్నం
ఉద్యోగంలో ఒకటే తంత్రం
వెనకచూడటం,ముందురాయటం!
పెంచనువరకూ తూతూమంత్రం
ఆతర్వాతిక పంచన మంచం
అయ్ పోయిందీ జీవితకాలం
వచ్చేవారికి అచ్చులు సిద్ధం!!
రాజులు మారే,రోజులు మారే
రోజు రోజుకీ మనుషులు మారే
ఇరుకుసందులో ఏనుగు జారే
చట్టంమారదు ముప్పేనోయి !!
ఒక్కడు లేడా జ్ఞానమంతుడు.
అప్పుడు రాసిన చట్టాలన్నీ
ఇప్పుడు మార్చే విద్యావంతుడు
వెలుగు చూపేడి జ్ఞానమంతుడు!!
.............. య.వెంకటరమణ
No comments:
Post a Comment