ఎంతైనా వీడు కూడ బ్రతుకు జీవుడోయ్
కట్టనింత బట్టలేక కడుపుకింత కూడులేక
ఎండకెండి నేల పండు బడుగు జీవుడోయ్
ఎవడి గొప్పలాడివాయె వీడి తిప్పలెవరికోయి
వెండి కంచమొకడిదైతె ఎండవానలొకరివాయె
అడుసుపిండి ఆడికెళ్ళె కలిపినోడు కదలకాయె
ప్రభుత్వాలు మారనొచ్చె బ్రతుకలేక వీడుజచ్చె
బలాదూరు నాయాళ్ళకు బదులుజెప్పనోపికేది?
బంకమన్నుకింత రేటు ! బంగళాలు కట్టనొచ్చు
బజారులో ఇంతమోటు ఈసడింపు కేమిలోటు
తరాలెన్ని మారుతున్న తలరాతలు మారకాయె
తలోగింత మన్నుగప్పి సమాధైన గట్టకాయె!!
............................య వెంకటరమణ
No comments:
Post a Comment