మువ్వన్నెజెండా-మురుపాలజెండా

రెప రెపలాడే జెండానుజూసి
రెండేరంగులు అనుకోకండి .
మధ్యన నలిగే తెలుపురంగును
ఎరుపురంగుతో కప్పేకండి!

ఇరవైనాలుగు ఆకుల చక్రము
నీతికి చిహ్నం,అశోకచక్రము .
అశోకచక్రం - ధర్మచక్రము
జాగ్రుతిలోయది మనకొకచిహ్నం!

సమరయోధుల ముందునడిచిన,
పిరంగి దాడులకు ధీటుగనిలిచిన,
శాంతి అస్త్రము,విజిగిష శస్త్రము
జెండాస్థంభము-మనకది గర్వము!

గలగలా రాలే పూలవర్షము ,
అమరవీరుల దీవెనలర్షము,
అదిమనభాగ్యం-అదిమనభాగ్యం
అమరవీరుల దీవెనలర్షము!

కిలకిల నవ్వుల బోసిపాపల
జనగణమన' యదిమన గానం.
ఏకత్వానికి తారకాణము
భారతమాతకు జేజేకారము!

భూదేవెప్పుడు పచ్చరంగుగా
ఆకాశం మరి రంగులు కురియగ
మధ్యన మనము శాంతిజీవులై
మువ్వన్నె జెండానెగరవేయుదాం!

స్వచ్చత నెరిగి సాక్షంగుందాం
మనస్వాస్థ్యం మనమే సాధించుకుందాం
వందెమాతరం,వందెమాతరం,వందేమాతరం
వందెమాతరం,వందెమాతరం,వందేమాతరం!!...జై హింద్

..........................య.వెంకటరమణ