కోవెల ఎరుగని దేవత

కోవెల ఎరుగని దేవత నీవే మాకమ్మా
శివునికిదక్కని వరముల నొసగావమ్మా
బ్రహ్మరూపమే నీవమ్మా,జన్మను ఇచ్చిన 'అమ్మా!
యిల'లో వెలిసిన దేవతవమ్మా.మాతృదేవత నీవమ్మా.
నీవు మలచినా బొమ్మలు మేము
నీ ప్రేమకు మిగిలిన ప్రతిరూపాలము
అవనిలో వెలసిన ఆదర్శమూర్తివి నీవు
ప్రేమను పంచి,సృష్టికి వరమయ్యావు
అడుగులు నేర్పిన మాయమ్మా
అడుగడుగున నీవున్నావమ్మా
ఎంతని చెప్పము మేము,ఇంతగ పెంచిన'తల్లీ
ఋణపడియుందును నీకు,తరములుజాలవు తీర్చగ .
వరాలు కురిపే తల్లీ,దీవించమ్మా మమ్ము

................................మాధుర్య