ఈనజరానా ఏ వరఫలమో!

వెన్నెలకురిసే చంద్రబింబమో
మెరిసేతారల కాంతి రూపమో
శిల్పకారుని చిత్ర  ఛందమో
ఏకవి మలచిన భావదృశ్యమో

జాలువారేడి కురులనడగనా
జాబిలినిండిన కనులనడగనా
రెపరెపలాడే రెప్పలనడగనా
మేఘమాల మరి తనపెరేమని?

నేలకు  వంగిన  లేలేతకొమ్మల
ఒంపు సొంపులు, అవి నీవేనా
నడకలురాని హంసకునేర్పిన
అడుగులు  నీవా, అవి నీవేనా ?

నీఅధరము దాకి రూపుమారెనా
అనార్ కలీ అని పేరుగాంచెనా
రంభను చూసి నిన్ను మలచెనా
రంభే నిన్ను అనుకరించేనా ?

అందెల వరవడి గమనించేమో
గువ్వలు  సవ్వడి వినిపించేను
నగిషీబట్టిన నగలు జాలవు
ఈనజరానా ఏ వరఫలమో!ఏ వరఫలమో !!

.....................      య . వెంకటరమణ