ఇదీ వరస

ఖర్మగాలి నువ్వుకాస్త అనారోగ్యమయ్యావో
అయిపోయిందింకంతే – అంతంతే,బ్రతుకంతే!
తలనొప్పికి స్కాన్నింగు-మెడనొప్పికి మెఘాస్కాను
కరంటులూ,కరన్సీలు – కలక్షన్ల కౌంటర్లు.
అంతే ఇంకంతే – బ్రతుకంతా ఇంకంతే !
రోగమొచ్చి రొప్పుకుంటు,తిండిలాగ మందు మింగి,
తిరగలేవు ఊరలంట – తిరగకుంటే బ్రతకలేవు.
పడకుండుట మేలుచూడు,ఔషదాల విందులోన.
అతిసుఖిగా పెద్దరోగి-అలుపుజేయ ముప్పుగాదు.
అనారోగ్యమదోఎత్తు-నరక ద్వారా మొదటిమెట్టు.
కసరత్తది గమ్మత్తు-అదే మంచి మరామత్తు.
మొదలుపెట్టు కసరత్తు-ముందుండు మరోమెట్టు!!

......................యలమంచిలి వెంకటరమణ