దడ దడలాడే రైలుపెట్టెలు

దడ దడలాడే రైలుపెట్టెలు,
దారిపొడుగునా దగాకోరులు.
దొరలకు వీళ్ళు తీసుకుపోరు,
దోచుకుపోయే దొంగలువీళ్ళు.

పశువుల గ్రాసం బొక్కేదొకడు,
దుంగలు,దుక్కలు అమ్మేదొకడు.
దోసిలి  జారిన ఎంగిలి విసిరి,
మీసం తిప్పే రాజంటాడు.

దోచుకుపోయిరి దొరలు సత్యమే
ఉన్నది  దోచే వీళ్ళేవరండి?
జీతంవద్దను దేశాసేవలో
జీతంవదిలి దేశం దోచే
దొంగలు బాగోయ్ దొంగలు వీళ్ళు

మొక్కేటోళ్ళే మింగుడుపడరు,
చెప్పులు మోతకు సిద్ధం వీళ్ళు
లక్షలకోట్లు  పక్కలు వేసి,
అమ్మా- అన్నని మొక్కేవీళ్ళు

చైతన్య సారధులీళ్ళంటండోయ్,
పట్టం గట్టేదీళ్ళే నండోయ్.
జనాలమధ్యన జనాలుబాబోయ్
జనాలకే మరి ఝరాలు బాబోయ్!!

....యలమంచిలి వెంకటరమణ