వాగ్ దానాలే

వాగ్దానాలు ఒకటా రెండా?-
వాగుడు మొత్తం వాగ్ధానాలే!
ఒరిగేదైతే ఏదీ  లేదు !
వచ్చేసారికి ఇంకో చిట్టా !
అదే ఊరులే,అదే స్టేజులే,
అదే జనంలో పాతపాటలు
అర్ధం లేని కరతాళాలు
ఆకళ్ళల్లో మరో ఆశలు.
అమ్మని కొలిచే ఆడబడుచులు
అన్నని కొలిచే ఆశాజీవులు
ఆఖరికంతే ఆకలి సొంతం
 అయ్యగారికి ఆస్థానయోగం
వచ్చే సారికి రంగం సిద్ధం
ఎక్కడి గొంగళి అక్కడపదిలం
ఎప్పటిదాకా ఎదురుచూపులు
ఇంకానా మరి ఎదురుచూపులు?
పద పద పద ముందుకు పోదాం
కలుపులు ఏరే పనిలోఉందాం
యువతను ముందు నిలబెడదాం
కొంతైనా మరిముందుందాం !!
........................................   యలమంచిలి వెంకటరమణ