స్వప్న సౌదము

******
పెనవేసిన చీకటిలో వెన్నెలకై ఆరాటం
ఊరించే చుక్కలకు మబ్బుతెరల చెలగాటం
ఆశలిలా శోకమై కడలిదారి తీయగా
ఆకాశం విరగబడి నన్ను చూసి నవ్వగా
ఎలా ఎలా ఎలా చేరనూ,నా కలల సౌదము
కలో మరో ఎమో కదా ప్రేమ స్వప్నమూ...

కన్నీరు మున్నేరై ఏకధాటి రోధన
ఎన్నాళ్ళు నే మోయను ఇంతకఠిన వేదన
విధిరాసిన ఆ బ్రహ్మే ఇలా వ్రాసి పెట్టుంటే
ఎలా నేను పొందగలను ప్రియా దైన్యము
ఎలా ఎలా ఎలా చేరనూ,నా కలల సౌదము
కలో మరో ఎమో కదా ప్రేమ స్వప్నమూ...

గుండె తాపమెప్పటికీ తీరిపోదనీ
నిన్ను పొందు రోజునాకు రానెరాదని
నిన్న రోజులెన్ని నాకు చెప్పలేదులే..
నమ్ముకున్న మనసునీ వమ్ముచేయక
కమ్ముకున్న చీకట్లు తెరలు తీయక
మళ్ళీ మళ్ళీ పొద్దుగూకు సందె వేళలా
ఇలా శిలై బ్రతుకుతున్న చెలిమినే ప్రియ
ఎలా ఎలా ఎలా చేరనూ,ఈ కలల సౌదము
కలో మరో ఎమో కదా ప్రేమ స్వప్నమూ.......!
  ******

......................య.వెంకటరమణ