పులకించే ఆ హృదయం ఏమయ్యింది

నా చూపుల తాకిడితో పులకించే ఆ హృదయం ఏమయ్యింది?
దరహాసంతో నువ్ మరిపించిన ఆ లోకం ఇపుడేమయ్యింది?
ఊహల్లో నేవిహరించిన ఆ స్వప్నం ఏమయ్యింది?ఏమయ్యింది?
నను తాకిన నీకన్నుల్లో తన్మయమేమయ్యింది?అది ఏమయ్యింది?
మాధుర్యం తెరదీసిన కాఠిణ్యం నన్నెందుకు ఝళిపిస్తుంది?
మదివిరిసిన హరివిల్లు  నేడెందుకు నను   వేధిస్తుంది?
నిష్టోరపు మాటల భాండం నన్నెందుకు నిలదీస్తుంది?
మిరుమిట్ల ఆ ఉదయం నేడెందుకు చీకటిలా అగుపిస్తుంది?
తొలిరోజులు గురుతొస్తే మనసెందుకు దిగులౌతుంది?
ఈ ప్రశ్నల జవాబు నేనని తెల్సీ ప్రశ్నెందుకునాకొస్తుంది?
నే కలగన్నా పొద్దింకా తలపైకేరాలేదింకా
కనుగుచ్చే చీకటిలో ఏమౌతుందింకా,ఇంకా
ఆ ఉదయం నే చూసుండుంటే,ఈ చీకటిలో ఓ తోడుండేదే!
మోహంలో నే చూసిన లోకం మరి నేనెరిగుండుంటే ,
లోపానికి రూపాలెతికే బాధైతే తప్పుండేదే!అదితప్పుండేదే!
................................................... య.వెంకటరమణ