కదా

కట్నం డబ్బులు ఖర్చులు జేస్తూ,అదరగొట్టే అలంకారాలతో
పలాన రాజల్లే పోజులుపెట్టే,పెళ్లిపీటలపైన అల్లుడి వెనక,
ఎక్కాలబొక్కు ముఖానబెట్టి,అప్పుల్లెక్కల గుక్కతిరగకా,
గోడకు నిలబడు మామను జూస్తే, జాలేస్తుంది-నాకు జాలేస్తుంది

బొద్దుగ నిండిన తేనెపట్టును బాటిళ్ళునింపి బడాయిపోయే
బోయవాని మరి బోగట్టజూస్తూ,తొండం తెగినా తేనెటీగలు.
తెగిన రెక్కలకు లెక్కల్లేక,తెచ్చిన తేనెకు అంచనలేక,అలమటించెడి
ఈగలు  పాపం.ఈగలజూస్తే, జాలేస్తుంది-నాకు జాలేస్తుంది

కొలుక్కు చేరని వాగ్దానాలు,కోసేకొద్దీ వంకాయల్లే
కోసిన కోతలు పట్టుపంచెలు, పట్టాపొందిన రౌడీలీళ్ళు
ఒడ్డుకుజేరని వాగ్దానాలు, వచ్చేసీజను ఇంకో చిట్టా
చప్పట్లుగొట్టే జనాలజూస్తే,జాలేస్తుంది-నాకు జాలేస్తుంది

                     ......................  య.వెంకటరమణ