దేవుడు కూడా అమ్మ పుత్రుడే
దేవతలైనా నాన్న బిడ్డలే
దేవదేవతలకు జన్మనిచ్చిన
అమ్మ నాన్నలే ప్రత్యక్షదైవం.
...........దేవుడు కూడా !!
మొక్కై ఎదిగిన విత్తూ..
మానైపోతీ జగత్తూ.....
కట్టెలుగొట్టి గాల్చేస్తూ.
ఫలాలు మరచుటె గమ్మత్తూ.
......దేవుడు కూడా!!
కడుపు చీల్చుకుని బిడ్డ కానుపు
తనువు గాల్చుకుని బిడ్డల బ్రతుకు
బాధ్యత ఎరుగని బిడ్డలు ఘోరం
అనాథ బ్రతుకులు ఆశ్రమ వాసం
......దేవుడు కూడా!!
నచ్చిన సహకారి దొరకుట వరము
వారమ్మనాన్నలేనట వీరికి శాపం
కాదిది భావ్యం,కాదిది భావ్యం
కాకపోదుమా మనమత్తమామలం
......దేవుడు కూడా!!
తల్లీ తండ్రీ గురువూ దైవం
కళ్ళ ముందరా ప్రత్యక్షదైవం
జన్మనిచ్చినా తల్లిదండ్రులన్
చెందనాడుటా కాదోయి భావ్యం
......దేవుడు కూడా!!
........యలమంచిలి వెంకటరమణ
No comments:
Post a Comment