ఆదిలో ఆర్యుల పోరు

1596
తెలుగు రచన
20/12/2017
===============
ఆదిలో ఆర్యుల పోరు
ఆంగ్లేయులదీ అదే తీరు
రౌడీగాళ్లది ఇప్పుడు జోరు
అణిచివేతనే రాసుందికాబోలు

అప్పట్లో ఇనుము చూపి అదిమారు
బ్రిటీషు పిరంగులతో వేధించారు
ఇపుడిదిగో రౌడీగాళ్ళూ అదే చేస్తున్నారు
అణిచివేతే కాబోలు మన వరాలు

ఎక్కడ సింధూనదీ తీరం
ఇప్పుడు సముద్రం దాకా చేరాం
ఇంకా భయపడితే ఏడికేగి పోతాం
కళ్ళు తెరవండి నేస్తం కాస్తైనా బ్రతికేద్దాం
లేకపోతే మనమింతే ఇలానే ఉండిపోతాం

తలెత్తి నిలబడితే తెగిపోతోందా
తలదించుకుంటే అది సరిపోతుందా
ఎదురు తిరిగితే ఏమవుతుంది
మరీ అంటే తానొక్కడికే ఇరకాటం

ఎంతని సహిస్తాం ఎవరైతే మాత్రం
అన్యాయం కోరల్లో దమ్ముండదులే నేస్తం
విరిచేస్తే ఓ పనైపోతుంది యత్నిద్దాం
చేతులున్నది సలాముకే కాదు
జవాబు క్కూడా అదేగా నేస్తం
====================
..యలమంచిలి వెంకటరమణ