1712
తెలుగు రచన
17/02/2018
=================
ఆ కడలికెన్ని అలలు
ఈ మనసుకెన్ని వడగాల్పులు
ఎన్ని ఎన్ని ఎన్ని ఆశలు
మిన్ను తార ఎన్ని కోర్కెలు
ఉషోదయా ఉత్పన్నాలూ
మబ్బుతెరల మసక మసకలు
మలు సంధ్యారాగంతో
ఉదయించే కొత్త కోర్కెలు
మిళుకు తార లేని రెక్కలు
నేల రాలు ఉల్క చుక్కలు
పున్నమి వెన్నియలు
వెనుక వెనుక చీకట్లు
అలుపెరుగని మనిషి జీవితం
నిరంతర అలల పోరాటం
అడుగడుగూ ఆశల పయనం
ఖుషీ ఖుషీ సాగాలీ జీవనయానం
=================
..యలమంచిలి వెంకటరమణ
No comments:
Post a Comment