2018

2018

తెలుగు రచన

13/03/2021

=====================

వరదలొస్తున్నాయ్ గండి కొట్టుడి

తుఫానులవిగో లంగరులేయుడి

కెరటాల తాకిడి అణిచేస్తుంది

కాలంతో మరి సిద్ధంకండి,సిద్ధంకండి

ఎడమావితో కుండ నింపులు

ఎండు గొంతుకు చెమట చుక్కలు

ఆకలి కడుపును ఊహల కంచం

పంచే పంచెలు,అవిగో తెల్లగ

తెల్లవారనీ చీకటి బ్రతుకులు

తెల్లవారితే చీకటి భయములు

ఎక్కడ చూస్తే అక్కడ చూడు

అమాస వీడని పొద్దుపొడుపులు

శాంతిని దాచిన సామంతులరిగో

శాంతి యాత్రలకు సిద్ధం సిద్ధం

వట్టి మాటలకు కట్టిన కోటలు

అవిగో మళ్ళీ పునాది వాటం

నిప్పుల గుండం ముందుంది

ఆచీ తూచీ అడుగులేయుడి

బ్రష్టులకంతా పట్టం గడితే

బ్రష్టుబట్టడం ఖాయంలే మరి

మాటల గారడి మాంత్రికుడొకడు

మూటలు మాయం తాంత్రికుడొకడు

వాటాలేసుకు తినేటి వాళ్ళు

మాటుగాచుకుని మళ్ళీ సిద్ధం

భ్రష్టత్వాన్ని బ్రద్దలు గొట్టే

ఈవీఎమ్ తో యుద్ధం చేద్దాం

ఎవడబ్బ సొమ్ముర,ఇది నాదేశం

స్వతంత్ర్య దేశపు వెలుగులు చూద్దాం

========================

..... యలమంచిలి వెంకటరమణ..