జాములేని జనం

తెల్లారిందదిగో –ఉరకల పరుగుల జనమరిగో,

వచ్చిపోవు వాహనాల ఓయబ్బో జోరదిగో 

ఉరుముపడ్డ ఊరునొదలి ఉరకదీయు తీరదిగో 

తెల్లారిందదిగో –ఉరకల పరుగుల జనమరిగో 

తొందరంటే తొందరె-అందరికీ తొందరే 

ఆమె కడుపునింపనైతే అయ్యగారి తొందర

ఆ తల్లికడుపు చీల్చనైతే బ్ద్దకేమో తొందర 

అడుగులేయ నేర్వకున్న నడవనెంత తొందర 

నడకనేర్చినంతనే పరుగుతీయ తొందర 

తొందరంటే తొందరె-అందరికీ తొందరే

ముక్కుపచ్చలారకున్నా మీసాలు తొందర

మీసమీడ పండకున్న రంగుపూయ తొందర

తొందరంటే తొందరని తొక్కులాడుజనంచూడు

పరులాటపందెంలో-పరువులాటయాగంలో 

ఆరాటంకద్దులేని పోరాటం నువ్వు చూడు 

శయ్యపైన చేరినాకసాఫీగా లెక్కలెయ్య 

శ్వాసకాస్త జారుకుంటే సాగనంప జనం లేరు 

సాధించిందేముందట,సాగనంప జనంలేరు  

జనం మధ్య చోటు లేదు, జనానికా జాములేదు

 సాధించిందేముందట? శ్వాసనిలుప ధమ్ములేదు 

జనం మధ్య చోటు లేదు, జనానికా జామలేదు 

తెల్లరిందిదిగో,తుదకిటు తెల్లరిందిదిగో !!

                     యలమంచిలి వెంకటరమణ