గీత-2 ఆత్మ ఒక్కటే శాస్త్రం, ఆ ఆత్మ ఒక్కటే జీవం

గీత-2
తెలుగు రచన
09/07/2019
======================
పల్లవి:
ఆత్మ ఒక్కటే శాస్త్రం, ఆ ఆత్మ ఒక్కటే జీవం
పరమాత్మ ఒక్కడే శాశ్వతం, ఇది గీత చెప్పినా వాస్తవమూ
ఆత్మ ఒక్కటే శాస్త్రం, ఆ ఆత్మ ఒక్కటే జీవం
పరమాత్మ ఒక్కడే శాశ్వతం, ఇది గీత చెప్పినా వాస్తవమూ

చరణం:
గీత ఒక్కటే జాతీయ శాస్త్రం, గీత ఒక్కటే యదార్ధ అస్త్రం
ఉచ్చా నిచ్చా భేదాలు లేని, విశ్వశాంతికిది ప్రబోధ గీతం
జననా మరణాం భయముల నుండి ఉద్ధరించేడి ఏకైక మార్గం
భవసాగర తీరాలను దాటించే వాహనము భగవద్గీతా ప్రభోదము
          !!ఆత్మ ఒక్కటే శాస్త్రం,!!

చరణం:
జ్ఞానమొక్కటే ఆత్మప్రకాశం,యోగాగ్నికి ఆహుతి ఇచ్చును యజ్ఞం
యోగసాధనా కార్యం యజ్ఞం, యజ్ఞకార్యమే క్షర్మయోగము
ప్రాణాయామా పారాయణము, శ్వాసా గతులను నిలిపే యాగం
యజ్ఞము జేయని మనిషి వ్యర్థము, మరిలేదిక మనిషి జన్మము
         !!ఆత్మ ఒక్కటే శాస్త్రం,!!.

చరణం:
యజ్ఞా నియమము వదలి, కల్పిత నియమము కలిగి
ఆచరించెడి యజ్ఞము కూడా, కౄర కర్మలకు తార్కాణం
అట్టివారినే అధములు యందురు, పాపాచారులు వారు
మహాపురుషులు వారేవారు, పరిపూర్ణ భావా కర్మాచారులు
          !!ఆత్మ ఒక్కటే శాస్త్రం,!!
======================
యలమంచిలి వెంకటరమణ