పేదవాళ్ళనే దెయ్యాలెందుకు పడుతూ ఉంటాయ్?

===========================

పేదవాళ్ళనే దెయ్యాలెందుకు పడుతూ ఉంటాయ్?
పెద్దోళ్ళమెడలో తాయత్తులెందుకు కనబడకుంటాయ్?
కట్టుమోతుతో,పెట్టుమోతుతో  చంపేదంటూ ఒకటుంటే,
చంపేటందుకు, పేలటమెందుకు,మానవ బాంబై నీ మనిషి?

‘శివుడాజ్ఞ లేనిదె చీమైన కుట్టదు’ తెలిసిన మాటే అందరికీ,
తెలిసీ,తెలిసీ ఎందుకని?, తెలిసిన జనాలు ఎందుకని?
కాపాడంటూ పరుగులెట్టడం,ఆసుపత్రిలో లైను కట్టడం 
ఆయుషుంటే బ్రతికిపోవడం,లేదనుకుంటే ‘సోర్రీ’ లినడం

విశ్వాసముంటే నయమైపోమ్మని ‘యేసే’ చెప్పగ నానాడు
ఎవరిచ్చారో ఎమో గానీ స్వస్థత వరాల జోరుంది నేడు
టచ్చ్’కు కుదిరే రోగాల బీడు, రోజూ వస్తాయ్ టీవీ చూడు
వాడూ,వీడని ఏముంది లేవోయ్,ఎవడికి వాడే నే’నంటాడు.

మంత్రం తెలీదు,మర్మం తెలీదు యజ్ఞంచేస్తే సరిపోతుందా
మదిలో దమిడీ ధర్మం లేదు గుడిలోకెళితే సరిపోతుందా?
చూస్తే’పాపం ‘సురా’వి జ్ఞానం,చూడడమేమో,కనబడనీయారు
కాలం తీరు ఖర్మర బాబు,మారదు చూడు లోకం తీరు,లోకం తీరు

=================================== 

                                                       ..య.వెంకటరమణ