మొదలయ్యిందదిగో రొద రొద రణము

==◆===◆===◆===◆===◆==
మొదలయ్యిందదిగో రొద రొద రణము
వాడిగ సంధించే వాగ్దానపు బాణం 
మొదలయ్యిందదిగో రొద రొద రణము
వాడిగ సంధించే వాగ్దానపు బాణం

ఇల్లు కాలి ఈరి గాడు,వినరెవరూ వాడి ఘోడు
కడుపుకాలి సూరిగాడు,కాలి క్రింద రాయి వాడు
తిప్ప లెవడికెరుకరా, నొప్పిలేని కడుపు బాధ
అనాకారి నాయాళ్ళు వేస్తు న్నా వారధులు

వారధిలే ముందు గట్టి,ఐదేళ్లకు గండి కొట్టు
ముంపు తీర్చు వాగ్దానం మరీ కదా విడ్డూరం
ఒళ్ళుగాయ గుడ్డలేదు, తల దాచే చోటులేదు
తస్సాదియా తగదునంటూ తయారయ్యే వీళ్ళు

తొత్తు కింద తొత్తు వీళ్ళు,తొక్కిడి బిల్లాటగాళ్లు
అంగ్రేజీ నయమంటే, అరుస్తారు జనం గానీ
అంతకంటే దారుణం, అనాకారు లెవ్వారం
అదిగదిగో ఆర్భాటం, అబద్ధాల ప్రసంగం

మొదలయ్యిందదిగో రొద రొద రణము
వాడిగ సంధించే వాగ్దానపు బాణం 
మొదలయ్యిందదిగో రొద రొద రణము
వాడిగ సంధించే వాగ్దానపు బాణం
==◆===◆===◆===◆===◆==.........✍