వెలుగెరుగని ఉదయం

వెలుగెరుగని ఉదయం
=====================

రగిలే కడుపుకు ఓదార్పు మంత్రం
ప్రజలే రాజ్యం - ఇది ఒక సోధ్యం
తృణమో పణమో బ్రతికుంచడమే
ప్రజలకు పాపం రాజుల వరము

చెమటకు నిండని కడుపుల భారం
కన్నీరందుకు సాయం సాయం
సీతలపానుపు గోడలు మందం
గోడే వినని రాజుల వైనం

అదిగో కాంతి తూరుపునుదయం
అంతే వేగం పడమటి పయనం
వెలుగే ఎరుగని చీకటి బ్రతుకు
పడమటిలోనే సూర్యోదయము

సూర్యోదయము సూర్యోదయము
సూన్యం సూన్యం అంతా సూన్యం
ఆవిరికాని చెమటలకీగతి
సమాధి పాపం విశ్రాంతి మఠము
=====================

●●●●●●●●య.వెంకటరమణ