వయసుతో వచ్చిందైనా

=================
వయసుతో వచ్చిందైనా
పదవు లది తెచ్చిందైనా
పెద్దిరకం చాలా చెడ్డది
చాలా చెడ్డది పెద్దిరకం

నిశ్చింతగ నిదరోనివ్వదు
నిత్యం ఏదో చింతనలోనే
నిలకడ ఎరుగదు పెద్దిరకం
చాలా చెడ్డది పెద్దిరకం

దూదూ పుల్ల దుక్కుడు బిళ్ళ
ఇంచక్కా మరి ఆడనీయదు
ఆడే ఆటలు చూడనీయదు
చాలా చెడ్డది పెద్దిరకం

చెడుగుడు ఆటలు చెడగొట్టే
చెరువు గట్టునూ విడగొట్టే
చెరుకు ముక్కలు,చేలో ఆటలు
చెడడొట్టింది,చెడగొట్టింది పెద్దిరకం

రుపాయిలేమో దేవుడికెరుక
రూపాలు మొత్తం మార్చేసింది
లేపా ళాకులు, బుడగ లాటలు
గుడుగుడు గుంచం మటుమాయం

వీధి పిల్లలు గోళీ ఆటలు
ఏదీ పట్టని నానమ్మ మాటలు
ఎండా వానా ఎవరికి లెక్క
బలేటి బాల్యం అయ్యో మాయం

ఆటా పాటకు ఆటంకం
అంతస్థులతో ఇరకాటం
ఆడనీయదు,ఏడ్వనీయదు
ఎంత చెడ్డదీ పెద్దిరకం
ఎంత చెడ్డదీ పెద్దేషం।।
==================
........................ య.వెంకటరమణ