తేనె జల్లులు, పూల వానలు

=======®========
తేనె జల్లులు,
పూల వానలు
వాలు చూపులు,
తీపి ఊసులు
మరుమల్లెల
చిరు నవ్వుల
పాలరాతి బొమ్మకు
వెన్నెలమ్మ తానాలు

చిగురాకుల
నగుమోము
అదిరే ఆ అదరాలు
లేలేత పూరేకలు
రెప రెపల కను రెప్పలు
బెదురు చూపులు
నిచ్చెలి ఆ కనుబొమ్మలు
విప్పలేని పొడుపు కథలు
ఎప్పుడో మరి విప్పుకోలు

నునుపెక్కిన ఆ చెక్కిలి
చేజిక్కగ చందమామ
కెంత తొందర
మరి మిక్కిలి
నడిమంత్రపు
నడుమొంకులు
మితిమీరి మరీ మరీ
మరిచెనులే తన ఉనికిని

భూకంపం
మతి భ్రంశం
జడ తాకిడి
వెనకేదో
తగి దిన థోమ్
తకి దిన థోమ్

ఉద్దేశం
సిద్ధాంతం
మధు మాసం
అధిరోహం
కథ నడిపే ఉద్దేశం
సరేనంటే చేసేద్దాం
ఉత్తరాన జామచెట్టు
పొదల మాటు
చిలక కొట్టు
తినిపిస్తా సై కొట్టు
తీపి తాయిలం ........✍
======®=======