తీపి ఉండాలే కానీ చీమల కేం కొదవా

============================
తీపి ఉండాలే  కానీ చీమల కేం కొదవా
కాసులుండాలే కానీ చుట్టాలకేం కొదవ
ఉప్పు తగిలితే చెదిరి పోవా చీమలు
నొప్పి తగిలితే బెదిరి పోరా చుట్టాలు

ఏడుస్తుంటే నవ్వించే వాళ్ళు  ఎందరు?
నవ్వే వాడిని చూసి ఏడ్చే వాళ్ళే కదా అందరు
నిన్నమంచికి అందరూ తలో కారణం
నేడు బెసిగి పోతే అదంతా  దురదృష్టం

పచ్చికాయ మీద కళ్ళు,పండుకు  దోసిళ్ళు
పక్కవాడి మీదే  కళ్ళు, ఇవ్వాల్సి వస్తే చెల్లు
పడవేయడానికి తవ్వడం, పడ్డాక నవ్వడం
కొత్తేముంది, మానవాళికి ఇవే ఆనవాళ్ళు
============================
............................ య. వెంకటరమణ