ముందందరికీ హేయమే

◆◆◆◆◆◆◆◆◆
ముందందరికీ హేయమే
రెండో సారి కాస్త భయం
మరోసారనిపిస్తుంది  నయం
తుదికదే నీకు ప్రాణాపాయం

మొదల్లో సోకు కోసం సిగరెట్టు
పొగలు వదలడం స్టయిలన్నట్టు
క్రమంగా అవుతుంది అలవాటు
మానకపోతే శేేటూ,లివరింక చెల్లినట్టు

తాగుడుకు వెనకో చరితున్నట్టు
వాడే చెబుతాడు నిజమన్నట్టు
మొహం చూడు ఉద్దరిస్తున్నట్టు
హలాహలం గళంలో దాస్తున్నట్టు

సగం మంది లవరు మీదికే నెట్టు
కష్టాలు తీర్చే ఔషధ మన్నట్టు
పోతూ ఉంటారు గాని,చూసీచూడనట్టు,
వాళ్ళకీ తెలుసు, లివరు పోయినట్టు.

సౌచాలయాన్ని వెనకకు పెట్టు
ఆ ముందే గుట్కాలమ్మే కొట్టు
నీళ్లు లేకపోయినా సరే నన్నట్టు
ఇవి లేకపోతే చచ్చిపోతామన్నట్టు

ఎవడైనా ముందు సరదాగానే మొదలెట్టు
వ్యసన మవుతుంది లే ఆ అలవాటు
అది నీ ఆరోగ్యము పై  మట్టి గొట్టు
ఇప్పుడైనా విడిచిపెట్టు,లేదంటే నీ ఖర్మన్నట్టు
◆◆◆◆◆◆◆◆◆◆◆◆◆◆◆◆
తెలుగు రచన( యలమంచిలి వెంకటరమణ )..