మురిపించే అందాలను ఎలా ఓర్వను

===================
మురిపించే అందాలను ఎలా ఓర్వను
చందెపొద్దు గూకు వరకు ఎలా ఆగను
నీ నీలి కన్నుల్లో నన్ను దాగనీ
అదిరేటి అదరాలకు రంగులద్దనీ

దోబూచీ ఆటలాడు  పూబంతుల సోకులు
తెరమాటున దాగిఉన్న దొరసాని సొంపులు
దరహాసపు అదరాల జాలువారు మకరందం
మరీ మరీ మురిపించే చంద్రబింబ వాలకం
ఎలా ఎలా ఎలా నిలువను
మురిపించే అందాలను ఎలా ఓర్వను

కలకాలం తోడుంటా నన్ను చేరనీ 
వెన్నెలంటి మనసులో నన్ను ఉండనీ
నరజానా నిన్ను జూడ కనులుజాలవే
వరమిస్తే నిన్ను తప్ప నేను కోరనే
  
ఎరుపెక్కిన చెక్కిలిపై చిలకెంగిలి పడదుగా
మధువొలికే పెదవులను తుమ్మెదలు తాకవుగా
లేలేత పూకొమ్మల నడిమధ్యన చోటిస్తే
సేద దీర్చుకోవాలను చిలిపి కోరిక
తొలిపొద్దు పొడుపులో చలికాగే మక్కువ
ఎలా ఎలా ఎలా నిలువను
మురిపించే అందాలను ఎలా ఓర్వను
=====================

.....................య.వెంకటరమణ