1849

1849
తెలుగు రచన
27/06/2019
======================
చల్లని గాలీ, పచ్చని వనము
కోమలపుష్పా పరిమళ శోభలు
కిలకిల రావపు ఎగిరే పక్షులు
ఎదలు పరవశం ఇది మన స్వర్గం

ఏడురంగులింద్రధనుసు నీలాకాశం
అంతరిక్షపానుపులా అదిగో మేఘం
తొంగి తొంగి ఓరకంట ఆ రవికిరణం
ఇదే ఇదే ..ఇది మన స్వర్గం

కొత్తచీర కట్టుకున్న పుడమి సోకులు
నడిఒడ్డు నాంచారి కొప్పున పూలు
హొయలొలికే ఒయ్యారుల కడవబారులు
కంకిచేను అరపమీద కంతిరోడి చూపులు

ఎక్కడో దూరాన ఎంకిపాటలు
చంకనెత్తుకున్న తల్లి లాలిపాటలు
గుడిగంటలు జేగంటలు చంగుచంగు జడగంటలు
ఇలస్వర్గం మజరమహి  విరళసోయగం

చల్లని గాలీ, పచ్చని వనము
కోమలపుష్పా పరిమళ శోభలు
కిలకిల రావపు ఎగిరే పక్షులు
ఎదలు పరవశం ఇది మన స్వర్గం
======================
యలమంచిలి వెంకటరమణ