బలే గమ్మత్తులే ఈ 'మత్తు'

=================
బలే గమ్మత్తులే ఈ 'మత్తు'
జగమంతా దానికి చిత్తు

జులాయి వాడికి తిరుగుడు మత్తు
జూడగాడికి గెలుపొక మత్తు
పోకిరిగాళ్లకు సోకుల మత్తు
మతిలేనోడికి మమైక మస్తు

కడుపు మాడితే గంజినీళ్లు మత్తు
కడుపు నిండితే దమ్ముకొట్టు మత్తు
వంక దొరికితే మందుకొట్టు మత్తు
వంకర వాళ్లకు  తుంటరి మత్తు

ఊగుతుంది నేడు జగతినంతా మత్తు
మనిషి బ్రతుకు సగం మత్తులోనే చిత్తు
మత్తు విడువకుంటే జీవితమే ఇక్కట్టు
నిద్ర మత్తుకై పెట్టకు నీ బ్రతుకును తాకట్టు

మందు కొట్టడం, మాదక ద్రవ్యం
మసాల పొడులు,స్మోకింగ్ పొగలు
మైకంలో పడి యువత తిరుగుడు
విడువక పోతే అంతా గడ బడు

బలే గమ్మత్తులే ఈ 'మత్తు'
జగమంతా దానికి చిత్తు
=====================
                      తెలుగు రచన/..✍