దీనపు చూపుల కన్నుల్లారా

======:=:====:=====
దీనపు చూపుల కన్నుల్లారా
నిరాశ నిండిన జీవుల్లారా
ఆర్తానాధపు గానం పాడుచు
నిస్పృహ నింపుకు నాస్థులుగా
ఇంకా ఎందుకు విలపిస్తున్నావ్
వస్తున్నాయ్ వస్తున్నాయవిగో
సట్రం విరిగిన చక్రాలు
చక్రం విరిగిన రథాలు
వస్తున్నాయ్ వస్తున్నాయవిగో
వెలు గారిన కాగడాలు
మసి బట్టిన లాంతరులు
వస్తున్నాయవిగో
దారులు కానని చీకటిలో
గమ్యం ఎరుగని పయనంతో
పాదుకలెరుగని పాదాలవిగో
పాపం కరిచిన జీవాలవిగో
వస్తున్నాయ్ వస్తున్నాయవిగో.....✍
========== . . .  య.యలమంచిలి వెంకటరమణ