ఉగాది శుభాకాంక్షలతో

ఉగాది శుభాకాంక్షలతో
^^^^^^^^^^^^^^^^^^^^^^^^^^
సకల చరాచరములకిది యాది
నిఖిల జగత్తుకిన్ అహ్లాద మిది
బ్రహ్మసృష్టి కిదియే కద పునాది
ఉగాది! ప్రయత ప్రయతంబిది

మంచి చెడుల సంయమనము
మనకు నేర్పెడి పర్వదినము
ఋతు మార్పుల దోషాలకు
నింబ కుసుమ భక్షణము

మువ్వహారం వేప పూవులు
రూపుదేరిన ముగ్ద చామరాలు
గింత ఉప్పు,తీపి చెరకు,చింత పులుపు
బ్రతుకు సత్యం నేర్పు యత్నం

పానకాలు, వడపప్పు ఫలహారం
గ్రీష్మఋతువు నీటి పానకం
విసినకర్ర ఇచ్చునట్టి మొదటి ఆచారం
వేస వేగని, ఇది ఏసీ యుగము

తెలుగు మిత్రుల వెలుగుగోరే
తెలుగు రచన శుభాకాంక్షలు
క్రొత్త ఆశలు చిగురు తొడిగే
శుభాకాంక్షలు, శుభాకాంక్షలు
^^^^^^^^^^^^^^^^^^^^^^^^

మిత్రులకు హేమలాంబ నామ ఉగాది  శుభాకాంక్షలతో
                                                      .......యలమంచిలి వెంకటరమణ